Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

How Ihesu did in Childhed Som-thyng I wille you rede

Hhyt fille vpon an holiday þat Sabot hight in Iewis lay Line 11930 Ihesu and othir childryn in samyn went hem by the rever to gamyn Ihesu sat downe on his play And demmynges vij made of clay] Line 11934 & til ilkan a fur he made. þat sulde [be þaim to] water lade. [ [[Lines 11917-20, 11925-34, and 11937-54 from Laud MS. 416: illegible and almost erased in the Fairfax MS.]] That water might renne fro & tille Out of the flum alle at wille Line 11938 Amon tho childryn oon þer was That Sib was to sathanas with erthe and with euyll wyt The water rennyng gon he dit Line 11942 That water to the lakys broght And shend the werk þat Ihesu wroght Then seid Ihesu þou goddis fo Sonne of loos & of deth also Line 11946 That I haue done þou hast spilt Thow shalt a-bie that ilk gilt]

[Was þer then no lengger mote But ded he fille downe at his fote Line 11950 His frendes tho by-gan to cry Ayenst Ioseph & mary They seid your sonne wanton & wild with his cursyng haþ^e slayne our child [[From Laud MS. 416]] ] ¶ quen þai þus done ware to resoun. Line 11955 mary & ioseph dred tresoun. of þe frendis of þis barne. ihesu bleþeli walde he warne. [Then seid Ioseph to mary Line 11959 Speke þou with hym prevyly And aske hym why he makyth vs ffor his maners by-hatid þus [[From Laud MS. 416]] ] Line 11962 our neghbours wil on vs take wreke say þou til him I dar noȝt speke. ¶ Mary soȝt þan til him sone. Line 11965 & saide leue sone quat has þou done. quy sulde þis body þus dede be. Ihesus ansquered wele worthi was he quen he walde noȝt thole to stande þe werk I wroȝt wiþ myne hande. Sone ho saide wirk noȝt suche wise. for alle þai wille agayne vs rise. ¶ Ihesus þat was meke of erde. Line 11973 kepped noȝt to make his moder ferde bot on þe dede cors þer hit lay wiþ fote he smate & þus con say. Rys vp cors ful of felony. Line 11977 for certis þou nart noȝt worþi. my fader blis to come tille. for my werkis dide þou spille. þis cors vp-ras quen he saide squa. and in hit way hit dide to ga. Line 11982

Ihesus þan in þe seluen stedde þe water agayne to þe lakis he led.

and þer-of lame he him-selue. wiþ hande made he sparous xij. apon þaire sabat þus he did. and oþer childer forþ hit kid. quen þe iewes con þis se & here þai spac to Ioseph on þis manere. Line 11990 ¶ Ioseph ne sese þou be þi fay. how ihesus brekis our haliday. Line 11992 a-pon our sabat for-soþ to say. has he made sparous xij. of clay. ¶ Ioseph þen sone to ihesu spake quy dos þou men such playnt to make for þi wirking on our sabat. and ihesus sammyn his handis smate. and he saide in þaire aller siȝt. Line 11999 Rys be-liue and take ȝour fliȝt. bredes & liues ouer alle þis werde [folio 55a:1] þai toke þaire fliȝt & forþ þai ferde. ¶ quen þai þis sagh þat bi him stode sum saide him euel sum saide him gode sum him loued & spac of pris. and sum him blamed þat ware vn-wise and sum of ham atte selcouþ sagh. Line 12007 saide moises in his lagh. suche maistres was he wone. be-for þis time oft has done. Line 12010 be-for þe folk of israel. mony wondres cowde he tel. and atte þe last come þis tiþande to xij. kingis of diuerse lande. Line 12014