[The story of David is finished.]
Now is gode turned to our stile
as I haue talde ȝou a quile.
Line 8510
and tel we now our mykil tale.
for to make our stori hale.
¶ þis dauid þat I red of here
Line 8513
was king and regned xl. ȝere.
his regning was wiþ riȝt resoun
agaynis him his fas had na foisoun
childer had he wiþ wyuis sere
of þe quilk I ma na myn[i]ng here.
Line 8518
for he þat mykil has to telle.
þe mare shortly moste he spelle
þis ilk hit was þe king dauy.
þat mykil spac of prophecy.
Line 8522
of criste briþ (sic) ful lange be-forne
þat of a maydyn sulde be borne
þat maidyn of his awen sede.
was getyn als in boke we rede
Line 8526
and þat our lorde be-fore him hiȝt.
of him sulde spring þat al sulde riȝt.