Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[Glutony and Drunkenness.]

Of glutterie & of drunkinhede Line 27876 mani wikked branchis se we sprede þat heuis man & makis him hele. for to gange & tonge to mele. & reuis him of þe eye þe siȝt his hert & heuid alle out of miȝt. for be man neuer sa wise in wede. quen he is ouerlaide wiþ drunkinhede þat alle his manhede wele we wate is turnid in-to beste state. Line 27885 hit dos man. counsal to be talde & of foly batail to be balde. [[No gap in these MSS.]] & makis mani man trist & glad quere wiþ resoun þai sulde be a-drad. þat he knawes noȝt his miȝt. Line 27892 wiþ-out armour hit dos him fiȝt. ¶ þe drunkin semis in his mis-fare noȝt like þe man þat he was are

bot shortli mast al iuel þat is. Line 27896 comuneli comis of drunkynnes for alle þat euer festenis witte. drunkenis stailis hit. [& hit is [[the Catchwords; next leaf (or leaves) wanting.]] ] Line 27900