[Apostrophe to Saint John.]
¶ Iohn fu[l] cely was þou sene.
þat suche a moder as I. mene
was to þi keping taȝt.
Line 24661
to kepe þou toke þat maiden clene
& squa was þou wiþ-outen wene
þat squa þat lauedi laȝt.
Line 24664
¶ þer was þe raȝt a riche relike.
mai tresour nane be þar-to like
of metalle ne of stane.
Line 24667
bot cristis awen druri dere
þat of pris mai haue na pere
and ellis certan nane.
Line 24670
¶ to trauþ had þi faiþ na fere
for-þi þou was his tresurere.
squa tristi nane to traw.
Line 24673
ful graideli was þat grace giuen þe
for quy his moder at þou sulde be
squa worþi nane to shaw.
Line 24676
¶ þer-to for worþiest he þe dide
wiþ mekenes & wiþ maydenhede
for-þi is ham ful wele
Line 24679
man or womman queþer hit be
þat liuis in virginite
quat fonding atte þai fele.
Line 24682
¶ he þat in maidin-hede is lele [folio 106a:1]
he ledis life like angel.
for virginis alle ar þai.
Line 24685
bot lely kepis hit ful sone
& hit anis be for-done.
hit is for euer and ay.
Line 24688