Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[The State of the World after Domesday.]

Of blis. & sorou. haue ȝe herde now wil I. tel ȝou of þis werde Line 23654 þat salle be for-done & driuin. ofter atte þe dome is giuen. depe salle hit bren wiþ-outen leye als noe flode sum time rase heye Line 23658 þen salle hit haue a shap al new. þat euer sal stande stabil & trew. al þe elementis þat we now se. þen sal þai alle chaunged be. Line 23662 þat now ar stirande þen sal stande sal þer be þan na pine in lande. als we haue now ilk day here-in. Line 23665 þat god has sende vs for our syn. as hate. & calde. raine. & winde. sal þer be þan na storme to finde. ne miste ne mirk. ne na manere of ani þing þis werlde to dere. Line 23670 ¶ riȝt squa our bodis þat we here bare bes fairer þen þai euer ware are. al-squa þis werlde he wil do shroud þat was hit neuer are [[MS. are erased]] sa proude. Line 23674 an hundreþ-siþe of fairer hew. baþ heiuen & erþ sal he make new ¶ Sonne & mone sterne & lift. þat ay wiþ stiring now ar shift Line 23678 & watters rynnande al-waies wate he wille ham turne in better state fra þat time stille sal þai stande wiþ ferli blis to be lastande. Line 23682 ¶ þe sonne sal haue þe scripture sais þe liȝt-nes þen of vij. dais. ¶ þe water þat wette cristis flesshe & in baptist his saintis wesse. Line 23686

Line 23686 fra þat time forþ ouer-passe hit sal Line 23687 & be clere as ani cristalle. ¶ þe erþ þat cristis cors in bred. of paradis salle be a sted. Line 23690 & for hit was quilum made rede. wiþ blode of saintis þer-on dede hit sal be filled wiþ mani flouris smellande squete wiþ sere colours Line 23694 & neuer-mare þe colour tine. bot as paradis salle þai shine. ¶ þe erþ þat first was cursed for syn. þorou our elderis þat dwelled þer-in. Line 23698 þen salle hit blessed be & quite of labour & of sorou & site neuer-mare forþ fra þat day. Line 23701 ne bes þer-in. na waleway. & þusgate salle he skift his hande þe lorde þat is ay lastande. Line 23704