Page 1212
Simon
Symon. ȝelot. & cananew.
Line 21165
al was an name; he louid trew.
his lorde to serue euer he tent.
to wraþ him neuer he ment.
ofter þe riȝt-wise Iacob.
Line 21169
of ierusalem was he bisshop.
In egipte lande he toke to lere
quen he had liued vj. skore ȝere
vnder þe emperour traiaine
on rode nailed he was & slaine. [[MS. flaine]]
Line 21174
biried he was in boffea.
In stori hit is writin squa.
Þere ware his disciplis xij.
þat folowed ihesu crist him-selue.
Line 21178
spellers of trauþ leres of lede.
al if þai alle be an in mede
ilkan þai toke ham sundre sted.
to preiche as I. be-fore haue red.
Line 21182
¶ Peter & philip of þer þes twa.
we finde had wiuis & na ma.
seint peter witnes of his wife
þat ho was martir in his life.
Line 21186
& als of him saint marcel.
his doghter was saint peronel.
¶ þe first messe saint peter sange
was þer þen na canon lange.
Line 21190
pot [[so in MS.]] Pater-noster in þa days
þus for soþ our bokis says.
bot siþen þe men & þat ofter ware
eked to ay mare & mare.
Line 21194