Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

[Of the Assumption of Our Lady.]

bot first wil I tel of hir ending Line 20011 þat of alle kingis bare þe king. how ho þat bare him at us boȝt vn-to þat mikil blis was broȝt. al if I. be vn-worþi man. Line 20015 hiris am I. wiþ al þat I. can. wiþ hide & flesshe & bane wiþ-al. wiþ bodi & saule I. am hir þral for I am neuer mare sa fre. Line 20019 als to þat lauedi þrallid be. of hir worshepe sa wide to win. to telle wate I. noȝt quere be-gyn. Line 20022 for if my tonge ware of stele. & I. cowde loue na man sa wele & be-gan hir louing speke. a þousande ȝere muȝt I. noȝt reke I. muȝt noȝt shew be nankin þing Line 20027 þe tende part of hir louing. for ai þe mare I. soȝt to say þe widder sulde I. finde þe way. þe queþer ne salle I. neuer fine. Line 20031 lauedi to be in louing þine. squa kinde lauedi I. wate artow at þou mi wille wele me allow. Line 20034 for oft þou menskis man wiþ mede for wille allane wiþ-outen dede. In þi louing þou do me lende. lauedi vn-to mi liuis ende. Line 20038 ¶ quar-fore I. sal a litil vie. rede here now of þat lauedi. fra þat time atte ihesu criste was borne þat mani hit wiste Line 20042

Line 20042 I dar wele say wiþ-outen were Line 20043 þat alle þat hertli wille hit here hertli heris or hit redis. þai salle hir benisoun haue to medis. baþ cristis awen benisoun. Line 20047 & of þaire sin remissioun. womman sal perisshe nan wiþ barne þat has þis boke I. ȝou warne ne falle vn-to na dedli pliȝt. Line 20051 þat þai hit here auþer dai or niȝt. & mare here-of I. say ȝou ȝet qua hertli heris or redis hit of our lauedi & seint Iohn Line 20055 þaire benisoun has laid ham on. & seint edmonde of pountany daies of pardoun ham giues fourty. In a writte þis ilk I fande. [folio 83a:1] Line 20059 him-self hit wrate I vnderstande In souþerin engelis was hit drawen. & turnid I. haue hit til our awen. langage of þe norþerin lede þat can na noþer langage rede. Line 20064