Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

Of þe fairnes of crist; & his bodeli liknes in erþ.

Of his visage þat is sa briȝt me for to telle hit is na riȝt. Line 18818 for angels ar briȝter þen sunne-liȝt þaire maste ioy is on þat siȝt for tille se him sitte in trone in heyuen blis as he was wone Line 18822 ¶ bot of his liknes þat he bare. quilest he preiched here & þare. þen mai we sai als hit is redde. in our bokis in mani stedde. Line 18826 ¶ of heȝt he was a metili man. ofter atte þe men ware þan. nauþer to grete ne riȝt to smalle & wonder semeli he was wiþ-alle. Line 18830 ¶ his cher was dredeful on to loke. & louesum alsqua sais þe boke his hare like to þe note broun. Line 18833 quen hit for ripenes fallis doun. a-pon his shuldres ligande wele bi his eres shailande sumdele. ¶ In heued he had a clift be-forne Line 18837 als naȝarens & þer ar borne. his forheued faire wemles to siȝt. wiþ-outen ani ronclis. sliȝt. Line 18840 his visage sumdel wiþ rode was blende his neyse his mouþ was noȝt to mende comli & faire his chyn he bare. Line 18843 ¶ & tender berde wiþ mikil hare

berde & heued of an hew ware Line 18845 note broun as I talde ȝou are. Meteli hare was on his chyn. & als his heued was shed in twin. stedefast his loke & simple ay. Line 18849 his eien clere & sumdel gray. clerli spac he quat he walde. & his skille wiseli he talde. In his snaiping aghful was he. Line 18853 in talking miȝt nane soþer be. þris he wepped we finde I-nogh. bot we finde neuer-quare at he logh. þe moder was like vn-to þe childe wiþ faire visage & modis milde. wele mai men wete sicureli. Line 18859 þat þe ymage of þat lauedi. þe tane is to þe toþer like. In þe blis of heyuen-rike. Line 18862