¶ Fra iericho to flum iordan,
Amang þa stretes es þar an
þar right be þat water side
Line 12335
Lai a leoness þat tide,
Norisand hir quelpes sua,
þat naman durst wel bi hir ga.
Til-ward þe flum apon a dai
Line 12339
Iesus com gangand þat wai, [folio 68b:1]
To þe leones coue he yod,
þar he þe quelpes vnder-stod;
Bot fra þe leons on him sau
Wel þai can þair lauerd knau,
Line 12344
All þai can again him rise,
Honur him on þairkin wise.
Iesus he satt bi-tuix þam þan,
Abute his fete þe quilpes ran,
Line 12348
And plaid wit him on þair maner,
And wit þair fauning mad him cher.
þas oþer leons þat war ald,
þai stod on ferr als best vnbald,
Wit þair heued bar þai lagh sail,
Honurd him faunand þair tail.
Line 12354
þe folk stode ferr and loked till,
"We ne haf sene bestes o sli will,"
And said, "if he euer or his kin
Had ar wrogh sum gret sinn,
Line 12358
Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
About this Item
- Title
- Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
- Publication
- London,: Pub. for the Early English text society by K. Paul, Trench, Trübner & co.,
- 1874-93.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
- Link to this Item
-
http://name.umdl.umich.edu/AJT8128.0001.001
- Cite this Item
-
"Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ..." In the digital collection Corpus of Middle English Prose and Verse. https://name.umdl.umich.edu/AJT8128.0001.001. University of Michigan Library Digital Collections. Accessed June 19, 2024.
Pages
Page 710
Line 12358
It mond noght leons on þis wise
Bede til him þus þair seruise."
Line 12360
And quen iesus þis coue come vte
þe leons com him all a-bute,
þe quilpes ran be-for his fete,
To plai wit him þam thoght suete.
þe folk stod and be-hild o-ferr,
Line 12365
For leons durst þai cum na nerr.
¶ þan said iesus, "nu mai yee se
Hu bestes better ar þan yee,
Line 12368
þat can þair lauerd honur and ken,
And ye þat he has wroght to men
And þat efter his aun ymage,
Line 12371
Til him wil yee tak na knaulage.
þe bestes mekand knaus me,
And men knaus noght þat þai se."
þan he yode þe flum to pass
Line 12375
Wit all þe leons þat þar wass,
þe water gaf him gat ful god,
On aiþer side of him it stod.
Line 12378
Quen þai him had couaid sua,
Forth in pes he bad þam ga,
To noi naman ne naman þaim,
Line 12381
Til þai had geten þair herd a-gain.
þair leue þai laght wit þair entent,
Iesus ham til his moder went.
Iesus he was in þat si-quar
Line 12385
Of aght yeir and namar.