¶ Ioseph has spused þis leuedi fre,
And ledd hir in-to galile,
Line 10818
Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
About this Item
- Title
- Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
- Publication
- London,: Pub. for the Early English text society by K. Paul, Trench, Trübner & co.,
- 1874-93.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
DPLA Rights Statement: No Copyright - United States
- Link to this Item
-
http://name.umdl.umich.edu/AJT8128.0001.001
- Cite this Item
-
"Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ..." In the digital collection Corpus of Middle English Prose and Verse. https://name.umdl.umich.edu/AJT8128.0001.001. University of Michigan Library Digital Collections. Accessed June 20, 2024.
Pages
Page 622
Line 10818
Wit hir ledd sco maidens seuen,—
þair names herd i neuer neuen,—
þat war all of hir aun kin,
Line 10821
All o þat eild þat sco was in,
þir seuen þe biscop hir bitaght,
Quen þat fra him hir leue sco laght.
Wit-in þe land of galile,
Line 10825
In nazareth, a fair cite,
þar he left maria his spus,
To-quils he-self went til his hus.
Vn-to bethleem þan went he,
Line 10829
To ger his bridal grait[ed] be,
He wald haf redi ilkin thing,
Ar he his wijf til hus wald bring.
Bot ar þat he til hus hir fett
Line 10833
Was sco þar-wit an angel gret.
¶ Sent gabriel was sent fra heuen,
Hir bodword broght wit suilk a steuen,
Line 10836
"Hail maria," said he, "ful o grace,
Godd es wit þe in ilk place,
Blissed ouer all wimmen þou be,
And blisced be þe fruit o þe."
Line 10840
¶ þis leuedi duted noght þe sight
O þis angel þat was sa bright,
For oft-sith had sco forwit sene
Sight of angel als scene,
Bot of þis al was sco in were,
Line 10845
Qui he hir blisced on sli maner?
To-quils þat sco hir vmbi-thoght
Quat was þis hailsing he hir broght,
Hir hert he sagh, and als hir will,
Sant gabriel, and said hir till,
Line 10850
"Maria, quarfor es þou madd?
Es þe na nede to be radd,
Page 624
þou be noght menged in þi mode,
Bot ai þin hope steddfast and gode,
[folio 60b:1] Ne sal þe nawight be wit-losen
þe maidenhed þat þou has chosen.
O grace o luue in ilka stedd,
þou has enent vr lauerd spedd,
Line 10858
Vr lauerd has chosen þe his lemman,
þou sal haue child and þou maiden,
Moder and maiden ai sal þou be,
And godds sun bes born o þe.
He sal be of fulfarli fame,
Line 10863
O kinges kin sal be hir name,
Ouer kinges al he sal be king,
His might sal last wit-vten ending,
His folk al saued þan sal he mak,
And clens þam vte o sin and sak."
¶ þis leuedi nathing doted sco
Line 10869
þat godd ne moght his will do,
Bot wite sco wald on quat maner
þat a maiden child moght ber.
"Barn," sco said, "hu sal i brede,
þat neuer hadd part of flessli dede
Of man? bot haf i chosen me
Line 10875
Euer to liue in chastite.
Womman þat neuer neghed man,
Conceiue hu sal sco? sai me þan.
I herd it neuer in lijf ne ledd
Line 10879
Womman ber barn in maiden-hedd."
¶ Gabriel said, "leuedi nai,
Hu þat mai be i sal þe sai,
þe haligast in þe sal lend,
Line 10883
And godds might in þe descend,
For-þi sal þou haf child, and he
Sal godds aun sun cald be.
Wit-vten sin or sulwines
Sal þou be maiden als þou es,
Line 10888
Page 626
Line 10888
Is and was and sal be clene,
Maiden als þou has forwit bene.
þat þou be noght o þis in weir,
Line 10891
Ald elizabeth be þi samplere,
Sco þat sua fer was in hir eild
Ar godd wald giue hir child to weild;
In erth þou-queþer was nathing
Line 10895
þat sco had of sua gret ȝerning.
Sco had conceiued of hir husband,
Sex monet nu wit child gangand,
For es nathing in erth mai fall,
Line 10899
þat godd ne mai do his will all."
þis bodword can þe leuedi tru, [folio 60b:2]
To godds sand sco can hir bu,
Wit child sco wex in þat siquar,
Als neuer did womman forwit ar.
To þat angel sco said onan,
Line 10905
"I am mi lauerd hand-wimman,
Als þou has said nu me be-forn,
þe saueour o me be born."
þat all wroght and has in hand,
Sun and mone, and se and sand,
þat ai sal be and euer has ben,
Line 10911
Es loken wit-in þat maiden clene.
Wat þou quat for soth i tell?
þe lauerd es nu bicummen threll,
þe doghter moder again al won,
þe fader es nu bicummen sun,
Line 10916
And he þat first na ded moght drei,
Nu es he mad man for to dei.
Godd bicom man dedli þus,
Noght for þe nede he had of vs,
Bot elles wit his grace for-þi,
Line 10921
þat he sua suld fra dede vs bi;
Fra ded i sai, wit-vten end,
And fra þe findes fight defend.
Page 628
þe dai þat hir was send þis saand,
O marz þe fiue and tuentiand,
Line 10926
Fra fiue thusand yeir was runnun
Efter þis werld it was bigunnen,
Neneti and nine and monet sex,
þat vr hele in þis maiden wex.
Leue we nu o þat leuedi,
Line 10931
And speke we nu of [zacha]ri,
Hu þe angel com him [to w]arn,
He suld haue Ion, þa[t seli b]arn.