Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

And þar es resuns written sere, Quar-for godd wald sco spused were. Line 10784

Line 10784 þe first þe feind suld noght perceiue þat a maiden suld consaiue, Line 10786 For had he ani-wais ouertaine A child be born of a maiden, . . . . . . . . . . [no gap in the MS.] Ne had he neuer giuen his rede, þat iesus crist war don to dede, for wel he wald ha witen þan þat he suld haf saued man. Line 10794 Vr lauerd wald for resun suilk Be fosterd of a maiden milk, þat suld hir maidenhed haf hidd, And hir husband þo-queþer kidd. Anoþer man suld hir not stan, Line 10799 If sco wit child wer ouertan, . . . . . . . . . . . . . . . . . . . . [no gap in the MS.] For lagh was þat tim in þe land, Womman þat had nan husband, If sco funden war wit child, Line 10807 Fra staning suld naman hir scild. þe thrid resun of hir spusail, [folio 60a:2] þat mans help suld hir noght fail, Forto help hir in hir nede, Line 10811 Quider þat sco rade or yede. þus hir kepid þat lauerd i-wis, For to be quen of heuen blis, All cristen men þat was and es, Has thorut hir þair selines. Line 10816