¶ Of isai i redd beforn,
Line 9817
He said, "a child it es vs born,
A sun es gine vs for vr nede,
Susten he sal his lauerd-hede
To nam haf 'farliful' he sal,
Line 9821
And 'consaillur' man sal him cal,
þe stalworth godd man sal him num,
Godd fader o werld es for to cum,
His right name es 'prince o pes;'
His names er þir, wit-vten les,
Line 9826
Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
About this Item
- Title
- Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...
- Publication
- London,: Pub. for the Early English text society by K. Paul, Trench, Trübner & co.,
- 1874-93.
- Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
- Link to this Item
-
http://name.umdl.umich.edu/AJT8128.0001.001
- Cite this Item
-
"Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ..." In the digital collection Corpus of Middle English Prose and Verse. https://name.umdl.umich.edu/AJT8128.0001.001. University of Michigan Library Digital Collections. Accessed June 25, 2025.
Pages
Page 566
Line 9826
þat þe prophet has on him laid:
Bot herkens nu qui þai er said.
Line 9828
'Selcut' es his first nam,
Mar selcut herd man neuer nam,
Ne neuer sal wit rightwis dom
þan godd he-self to man bicom.
Line 9832
For if þou fand, als man mai find,
A barn ouercarked sua wit kind,
[folio 55a:1] þat had thre fete and handes thre,
(Als has ben sene and yeitt mai be)
And if þou siþen a-noiþer fand
Line 9837
þat wanted oiþer fote or hand,
War þai selcutt hir-for i sai
to call þam selcut, certes nai?
Man þat ani god him cuth,
Line 9841
Wald her-of thing na selcuth,
For ouercark o kind had þe tan,
And kind was to þe toþer wan.
Sli scap to se was na ferlik,
Line 9845
Bot monstres moght man call þam like.
Bot he war ferliful to call
if þou it sagh, and sua moght fall,
þat in a man all manscip war,
Wit-vten less, wit-vten mare;
Line 9850
Sua þat þe man war alsothfast
On al his scap, wit-vten last,
And sothfast and þarto lik
it war vnmight be funden slik.
Line 9854
Bot wa moght suilkan find or quar,
Man moght sai ferliful he war.
Bot selcuth er a thusand-fald
þis barn þat ysai of for-tald,
Line 9858
þat bath man and godd al hale,
O sothfastnes þis es þe tale.
O mans kind him failles noght,
And all es fulli þat he wroght,
Line 9862
Page 568
Line 9862
Al thing of him biginning tok,
Als tald es for-wit in þis bok.
Line 9864
þan he es þar nanoþer dright,
þat semed him in erth to light,
þat vnder anoþer wise o wede
Fullik laght vr manhede.
Line 9868
Sin he sua wald be-com man,
O womman most he be born þan,
For to lese man-kind o pine
þat was laght wit his wyþerwin.
Line 9872
Bot godd, sin he wald sua be gest,
In clene sted al-most he rest,
A clene biwist he chess [[MS. cless]] for-þi
For to mak in his herbergeri.
Line 9876