¶ Suet iesu, at vndrin time,
For vr sin, and noght for þin,
Sufferd a-bute þi hert,
Line 25540
O juus þat war fell and strang,
Wit knotted skurges hard and lang,
Dintes sare and smert.
Line 25543
þat ilk time al þat i neuen,
þou sent þe haligast fra heuen
To þine apostels suete;
Line 25546
þou send vs, lauerd! wijt and will
To mend us of vr dedis ill,
And fall þe to fete.
Line 25549
If sinnes in vr hert be sene,
Wit tere of ei mai was þam clene,
And wit wanges wete,
Line 25552
þat ai mai be vr conforth mast,
þe suetnes o þe haligast,
Wit þi merci to mete.
Line 25555