Cursor mundi (The cursur o the world). A Northumbrian poem of the XIVth century in four versions. Ed. by the Rev. Richard Morris ...

¶ Fader and sun and haligast, [[This prayer comes after line 25474, p. 1458, in the Cotton MS.]] [[ [folio 142b:1] of MS.]] To þe i cri and call mast, þat treuest es in tron; Line 25405 An-fald godd i cal in thre, Lauerd loued in trinite, To þe mak j mi bon. Line 25408

þou sceild me bath fra sinn and scam, Lauerd for þin hali nam, þat helpes þine sa son, Line 25411 And wiss me þat right wai þar euermar es ioi and plai, For hard es her to hon. Line 25414

¶ Hali fader, heuen king! Lauerd loued of al thing! On þe i tru and call, Line 25417 And on ihesu, þi suete sun, Arli and late i wil yow mon, In bure and eke in hall. Line 25420

Haligast! i call alsua, In þe i tru and in nama þou sceild me to ffall! Line 25423 And if i fall in ani skath, þou do me for to rise all rath And mine frendes all. Line 25426

¶ þou þat has þis werld all wroght, And has it sett al wit þi thoght, And stabuld it in skill, Line 25429

Line 25429 Of all þin sandes wild and tam, Line 25430 Man þou scop and gaf him nam, And gaf him wijf to will. Line 25432

þof adam rap him in a res Thoru an apul þat eue him ches, Vs all for to spill, Line 25435 þou þat es crist and godd an-fald, Lauerd be vr hope and hald, þou do his flod to fill. [folio 142b:2] Line 25438

¶ Rape þe lauerd for to reu, For ilk dai vr nede es neu, For fast i fund to fare; Line 25441 O mi sinnes me reues sare, I wat þi merci es wel mare, In hope i durk and dare. Line 25444

þou þat has þis werld to weld, Reu me lauerd in mine eld, And wiss me waies þare Line 25447 þare santes has þair seli sete, On domes-dai þar we sal mete þou sceild me fra care. Line 25450

¶ Ful derf i was to bidd vndo, þat luued i neuer rest na ro, Bot wildnes and wa; Line 25453 Ful leuef me was to cum in cri, Wit magote and wit mariori, Wit maiot, mald, and ma. Line 25456

O mans-slaghter had i na mak, Ne nan sa wild in wa to wrak, To riue þe grene and gra; Line 25459 Nu þan dos me held ta grith, Lauerd þi merci ta me wit, Fott was þe falsen fra. Line 25462

Line 25462

¶ Nu ask i noþer gra ne grene, Line 25463 Ne stede scrud, me lorem scene, Ne purperpall, nee pride o pane, Line 25465 Ne riche robe wit veir and grise,— O werlds aght ask i na pris; Ne castel mad o lime and stane, Line 25468

Bot stedfast hope and trout right, And ert clene and eien sight, Oþir gersum ask i nan. Line 25471 Do me lauerd to wijt þi will, And siþen heuen-rike to fill, For son er þir gammes gan. Line 25474

¶ O me es noght bot sin and sake, Lauerd! bot þi merci it mak, Vnworthi am i, wel þou wast, Line 25477 And al vnredi for to rise On domesdai be-for iustise, þar all es casten on a cast. Line 25480

þar santes sal þe dute and drede, And all sal se þin wondes bled, Mi hope es in þi merci mast; Line 25483 Als euer was and ai sal be, [folio 143a:1] Lauerd loued in trinite, Fader and sune and haligast. Line 25486