Page 1068
[Christ is like a Lion.]
¶ Leon o rightwisnes has raised
Him-self, and his prisun laisd,
Line 18640
Leon man mai him clepe be right,
For mai na best be mare o might.
And oþer alsua þar es resun
Qui he es takend to leon,
Line 18644
Leon quelpe quen it es born
Lijs ded ai to þe thrid morn,
Wit-vten lijf of ani lime;
His fader coms þan til him,
Line 18648
And wit his cri þat es sua grise, [folio 105b:1]
He gifs his quelpe lijf to rise.
Sua did iesus, vr champiun,
þof he lai ded for vr ranscun,
Line 18652
Quen þat his fader wald, he badd
His sun vp-ras us al to gladd.
O leon al-sua þe kind es hei,
Hu lukes slepand neuer his ei;
Line 18656
Ne iesus, þof his gast he yald
His goddhede þat has all in wald,
Moght neuer dei [ne] neuer sall,
Ne slepe, þat has to wak us all.
Line 18660