[The Resurrection of Christ.]
¶ Quils þai spak þus o þat selcut,
A neu tiþand þam com vncuth,
Line 17366
Sum o þaa knightes þat war sent
Al for to kepe þe monument;
And tald þam hu of angels an
Line 17369
Had lifted a-way þat mikel stan;
His clething als þe suan his suire,
And his cher lik was slaght o fire.
"þis angel saitt apon þat stan,
Line 17373
For drede we fell als dede ilkan,
To þaa wimmen þat iesum soght
We herd he said, 'ne dredes noght,
Yee seke þe bodi o iesu,
Line 17377
Raisd es he, and noght or nu.'
His wordes wel we vnderstode,
'Iesus,' he said, 'was don on rode,
Es risen als he for-wit said,
Line 17381
Los here þe sted quar he was laid.
Bot til disciplis his sai yee,
Fra ded to lijf þat risen es he,
Line 17384
And bidd þam wend to galilee,
Als he for-tald þai sal him se.'
Of us ne thar yow noght mistrau,
For þus it was als we tel yow."
Line 17388
¶ þan þai badd be-for ham call
þat gett þe thoru þe knightes all,
"Quat war þaa wimmen, wat yee, or queþen?
Line 17391
