PASSUS III.
[Passus, &c.; found in THUD.] [Passus Tercius de Visione.]
NOw is Meede þe Mayden I-nomen · and no mo of hem alle, [I-nomen and no mo] I-nomen H; and no mo TD; name U.]
Wiþ Beodeles and Baylyfs · I-brouht to þe kyng. [wiþ] And with U. Baylyfs] with bayles H; baillys U. I-brouht] & brouȝt H.]
Þe kyng clepet a Cler[ke] · (I knowe not his nome), [clepet] calliþ TD; called HU. cler(ke)] clerke THUD. knowe] con H; can TUD.]
To take Meede þe Mayden · and Maken hire at ese. [To take] & bade him take H.]
Line 4
"Ichulle assayen hire my-self · and soþliche aposen [Ichulle] I wolde U; I wile TD; I wole H. After my-self H inserts seyd þe kyng. soþliche] softly hir H.]
What Mon in þis world · þat hire weore leouest. [in þis world] of þis moolde U.]
And ȝif heo worche be my wit · and my wil folewe, [ȝif] H omits. my wit] wyt TD.]
I schal for-ȝiue hire þe gult · so me god helpe!" [I schal] I wile TD; I wole HU. þe gult] þis gulte H; þis mysgilt D.]
Line 8
¶ Corteisliche þe Clerk þo · as þe kyng hihte, [þo] þanne TU; þen H; þan D. as þe king hihte] as his kynde wolde H.]
Tok þe Mayden bi þe Middel · and brouhte hire to chaumbre. [þe mayden] mede TUD.]
¶ Þer was Murþe and Munstralsye · Meede with to plese; [with] TUD omit.]
Heo þat woneþ at westmunstre · worschipeþ hire alle. [Heo] þei H; TUD omit. alle] ychoone H.]
Line 12
Gentiliche with Ioye · þe Iustise soone [Iustise] Iustices THD. soone] wel soone H; to sowpen U.]
Busked him in-to þe Bour · þer þe Buyrde was Inne, [him] hem THD. in-to] to TUD. Bour] chaumbur H. buyrde was Inne] burde dwelliþ TUD.]
