Ther as wyse men haue wrapped · her wittes to|gidre.
Line 120
Sir, they it come to þe of kynde · a kyng to be called,
Yit must þou knowe of corage · what knyghthood befalleþ;
For he þat Armes shall haunte · in youþe he must begynne,
Of all Artes vnder heven · vse is a maistre.
Line 124
Sir, more-ouere be not gredy · gyftes to grype;
Rather þou shalt yeve hem · þat fele hem agreved: [Cf. B. 3. 208—211; C. 4. 266—269.]
So shall thy hawtesse · highlich be honoured,
And prudence in thy principaltee · y-preised for euere,
Line 128
For an ensample y shall you shewe · that soth is knowe.
A kyng shuld not of curtesie · couetouse be holde;
For there as couetyse is knowe · in A kynges brest,
Ther is corage out of kende · when mukke is his maistre.
Line 132
The condicion of a kyng · shuld comfort his peple;
For suche laykes ben to love · þere leedes laghen alle.
My liege lord, of this mater · y meve you no more,
But euere in your mynde · haue hym þat you made;
And taketh a siker ensample · þat crist hym-self sheweth,
Line 137
Of all the seyntes in heven · that for hym deth suffred; [folio 6]
For his loue thei were so large · her lyves they lost,
And for loue of that lord · a-loft now they dwelle
Line 140
With that crowned kyng · that on cros dyed;
Ther crist in his kyngdom · comfort vs euere, [Cf. B. prol. 105; C. 1. 133.]
And of his high grace · graunte vnto vs alle
Prosperite and pees; · pursue we therafter!"
Line 144
Explicit.
