Pudrid wiþ gilofre and canel.
Line 110
Nis no spech of no drink,
Ak take inoȝ wiþ vte swink. —
Whan þe monkes geeþ to masse,
Al [All] þe fenestres þat beþ of glasse
Turneþ in to cristal briȝt
Line 115
To ȝiue monkes more liȝt.
Whan [When] þe masses beþ iseiid
And þe bokes up ileiid,
Þe cristal turniþ in to glasse,
In state þat hit raþer wasse.
Line 120
Þe ȝung monkes euch dai
Aftir met goþ to plai.
Nis þer hauk no fule so swifte
Bettir fleing bi þe lifte
Þan þe monkes heiȝ of mode [folio 5b]
Line 125
Wiþ har sleuis and har hode.
Whan þe abbot seeþ ham flee,
Þat he holt for moch glee;
Ak naþeles al þer [þar, Ms. þ̛] amang
He biddiþ ham liȝt to euesang.
Line 130
Þe monkes liȝtiþ noȝt adun,
Ac furre fleeþ in o randun.
Whan þe abbot him iseeþ
Þat is monkes [monkis] fram him fleeþ,
He takeþ [a] [a fehlt im Ms. oder es ist ausradiert] maidin of þe route
Line 135
And turniþ vp hir [her] white toute
And betiþ þe taburs wiþ is hond,
To make is monkes liȝt to lond.
Whan is monkes þat iseeþ,
To þe maid dun hi fleeþ
Line 140
And geþ þe wench al abute
And þakkeþ al hir white toute
And siþ aftir her swinke
Wendiþ meklich hom to drinke [Ms. drink]
And geþ to har collacione,
Line 145
A wel fair processione.
