Þat no þing no man mai loke
Þat is so grisful forto drede.
Þer nis aliue so sinful man,
Line 17
If he þer of wold tak kepe,
And he wold þench apan,
Þat nold wel sore in herte wepe.
Godmen, [Godmen im Ms.] takiþ nou gome
Line 21
Of tokninges þat commiþ bifor,
Þe children wiþ in þe moder wome
Wel sore sul dute [dicce, Mä. vermutet dute, was auch im Ms. steht.] and drede þer for.
Wiþ in þe moder wom hi sul grede
Line 25
Vp Iesu Criste euer to crie:
Louerde Crist, þou red vs rede,
And of vs þou hab mercie.
We wold, louerd, þat we ner
Line 29
In world icom forto bene
And vnbeȝet of ure fader wer,
Þat al þing nou sal suffri tene.
Þe first tokning sal be þusse,
Line 33
Al for soþ we sul hit see,
And þat oþer sal be wors,
For soþ ȝe mou wel liue me.
Þe sterris þat þou sest so briȝte,
Line 37
In heuen aboue þat sit so fast,
For man is sin sal ȝiue no liȝt,
Ac sal adun to erþe be cast.
As fair and briȝte as þou seest ham,
Line 41
Hi worþ becom as blak as cole
And be of hiwe durke and wan,
For man is sin þat hi sul þole.
[Von hier ab im Ms. Langzeilen.] Þer nis aliue so stidfast man [folio 21]
Line 45
Þat þer of ne sal agrise,
Him to hide he ne can
No whoder to fle, in none wise.
