Corpus of Middle English Prose and Verse

A fourteenth century English Biblical version, edited by Anna C. Paues ...

þe trewe lawes, & turnyng soþe to false & false vn-to soþe; & þes schulen brynge newe ordris & sectus, costomes and degyses, turnynge here religyoun out of þe ryȝte rewle, vnschapynge þer body wiþ newe manere of degyse, conformynge hem to þe worlde and leuynge godes rewle; & make hem a bonde of lost & dampnacyoun. & many schul folowe þer leccherye; of men of holy churche þat schulde be Godes prophetes schal by-come prophetis of þe deuel. & oþer grete & smale, þat schal se her leccherie & her foule dedis, schal folowe here ensample and so wende to helle) [Underlined.] by þe whuche þe weye of soþfastnes schal be blasfemed (þat is, þe whuche [folio 69b] schul soþfast techynge & heleful lore putt dowen & despice, & mayntene & aferme þe lawe of lust & synne) [Underlined.] . [verse 3] & þorow auaryce (þei schul be erandebereris & depraueris to lette ȝow) in ȝoure wordis, & ȝoure deedus þei schul bye & sylle (þat is, in þat ȝe teche þe peple þe peryl of yuel lyf to make hem to haue drede, in þat þei schul bye & sylle her synne for syluer & for golde) [Underlined.] , to whom þe dome now ne somtyme sessiþ noȝt, & here dampnacyoun slepeþ nouȝt. [verse 4] Soþly if God sparud not to þe aungeles þat synnede, but bytoke hem to be drawen wiþ þe romynynge deueles of helle, whan þei deuelis bycome, echone to drawe oþur, euere þere to be turmentid, kepid vn-to þe dome. [verse 5] & origynale worlde he sparud not, but al it fordide, safe Noe & þo þat wiþ him were, wiþ þe grete flode. [verse 6] And þe cytees of Sodome & Gomorre turnyd it in-to poudre [þ]orow [MS. rorow.] his vpturnynge, & dampnede hem alle, ȝeuynge hem ensample þat aftur wolde do yuele; [verse 7] & þe ryȝtwyse Loth þat wiþ þe wickede was ouerlyen, & holdun dowen wiþ here vnriȝtwyse lyfynge, God him fayre delyuerede: [verse 8] soþly þorow syȝt & herynge ryȝt-wyse he was dwellynge a-monges hem, þat from day to day [folio 70] his ryȝt-wyse soule wiþ wickede dedus þei turmented. [verse 9] God wolde his ryȝtwyse from temptacyoun delyuere, and soþly þe wicked vnto þe day of dome in peyne & turmentis hem kepede; [verse 10] & soþly more hem þat aftur here flesche in desyres of vnclennes walke; to haue any lordschupe þei dispice it (þat is, eny lord to haue ouere hem) [Underlined.] ; bolde þei be, & drede not to gadere to hem lykynge companyis, gyses & sectes newe for-to ordeyne, þe whuche be blasphemaris; [verse 11] siþen þat angelis beþ of more vertu & strengþ, þei take no mynde of þat dredeful dome þat schal be ȝeue aȝeyn hem. [verse 12] Þei soþly as it were vnresonable bestes, þat þorow sleyȝtus be taken or þei wite, so þe blasphemaris in here fylþe schal preche, takynge [þe mede] of vnriȝtwisnes. [verse 13] For þei wende þe lustus of þis worlde & þe fylþe & þe lykynges hadde ben delices, folowynge in þer lykynges, in þer festus doynge lecherye, [verse 14] hauynge here [ey]ȝen [MS. aȝeyn.] ful of a-uoutries, wiþ|outen sessynge of here synne; hauynge rowe soules & vnstable; & vsynge þer hertes in auaryce; childeren of malyson, [verse 15] ȝoden omysse, forsakynge ryȝt weye, & folwed þe weye of Baalam, þe whuche loued mede of wickednes; [folio 70b] [verse 16] soþly blamed he was of his wodnesse of a doume beste—as who seiþ, he spak not as resonable man, but as a doume beste þat vndur synne was ȝoked—vndur ȝokke, spekynge wiþ mannes voyce & of his vn-wytte of þe prophete was him forbode, seyinge on þis wyse,
/ 350
Pages Index

Actions

file_download Download Options Download this page PDF - Page 219 Image - Page 219 Plain Text - Page 219

About this Item

Title
A fourteenth century English Biblical version, edited by Anna C. Paues ...
Canvas
Page 219
Publication
Cambridge [Eng.]: The University press,
1904.

Technical Details

Link to this Item
https://name.umdl.umich.edu/ajg4507.0001.001
Link to this scan
https://quod.lib.umich.edu/c/cme/ajg4507.0001.001/305:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

Related Links

Manifest
https://quod.lib.umich.edu/cgi/t/text/api/manifest/cme:ajg4507.0001.001

Cite this Item

Full citation
"A fourteenth century English Biblical version, edited by Anna C. Paues ..." In the digital collection Corpus of Middle English Prose and Verse. https://name.umdl.umich.edu/ajg4507.0001.001. University of Michigan Library Digital Collections. Accessed April 28, 2025.
Do you have questions about this content? Need to report a problem? Please contact us.