awey, Sathanas; for it is wryte, Þe Lord þi God þou schalt worschupe, & to hym one þou schalt serue. [verse 11] Þan þe fend lefte Crist; & lo, goode aungelys comyn to hym & serued to hym. [verse 12] Whan Iesus herde þat Ion was put in-to prysoun, he [verse 13] ȝede in-to Galyle; & þe [om. P.] [D folio 5b] cyte of Nazareth lefte, he come & duellyd in Capharnaum, by-syde þe see, in þe cuntreyes [verse 14] of Zabulon & of Neptalym: þat it schulde be fulfylde þat [verse 15] was seyde by Ysaye þe prophete, Lond of Zabulon & lond of Neptalym, þe wey of þe see byȝonde Iordane, of þe folke of [verse 16] Galyle; þe folke þe whuche ȝede in derkenesse sawe gret lyȝt, & to þe syttynge in þe rewme of schadowe of deeþ, lyȝt was rysen to hem. [verse 17] After þat Iesus bygan to preche, & seyde, Do ȝe penawnce; for soþly, þe kyngdom of heuene schal come nyȝ. [verse 18] & soþly Iesus wente by-syde þe se of Galile. He sawe two breþeren, Symon þe [S folio 136b] whuche is cleped Peter, & Andrew his broþer, puttynge a nett in-to þe see; soþly þei were fyscheris. [verse 19] & he seyde to hem, Come ȝe after me, & I schal make ȝow to be fyscherys of men. [verse 20] & þei a-noon lefte þer [verse 21] nettes & þe schyp, & sueden hym & he wente forþ fro [fro twice, D.] þen & saw oþer two, Iame þe sone of Zebede, & Ion his broþer, in schype wiþ Zebede þer fader, makynge redy þer nettys; & he clepyd hem. [verse 22] Soþly þei left þer nettys & [D folio 6] her fader, & folowed hym. [verse 23] & Iesus wente aboute al [om. P.] Galyle, prechynge & techynge hem in here synagoges þe gospel of þe kyngdom of heuene, & helynge alle sorowes & alle sekenesse in þe peple. [verse 24] & þe knowynge of hym wente in-to al Sirry: & þei offred to hym alle hauynge yuel, in dyuers sekenes & tor|mentys taken, & þo þat hadde fendus wiþ-inne hem, & hem þat were lunatyke, & men þat had þe palsy, & he helyd hem. [verse 25] & many cumpanyes sueden hym, & men of Galyle, & of Decapoly (þat is to seye, of þat cuntrey þat hadde ten cytees) [underlined, S.P.] , & of Ierusalem, & of þe Iewry, & of men fro ouer Iordane.
[verse 1] Soþly Crist seynge þe peple, he wente up in-to an hylle: & whan he had sette hym downe, his discyplys come to hym: [verse 2] , [verse 3] & he openynge his mowþe tauȝt [tauȝt in marg. 1st corr.; in text tauthe in a late hand on erasure, S. tauȝte P. techinge D.] hem, seyenge, Blessyd be
