[verse 16] & Kyng of kynges & Lord of lordes; þat onlyche haþ vn|dedlynesse, & dwelleþ in lyȝt þat no man may come to, ne no man haþ y-seyn, ne may y-sen it nouþ[er] [mark of shortening erased, S. nouþer P.] ; to whom be worschype & blysse & empyre efer wiþ-outen ende. Amen.
[verse 17] And byde þou ryche men of þis worlde, þat þei ne safere noȝt an hyȝ, ne þat þey ne hope noȝt in þe vncertaynte of rychesse, bote in þe lyfynge God, þat graunteþ to ous alle [verse 18] þinges plentefouslyche to vsen, & to don wel, & to ben y-mad ryche in goode werkes, & to ȝefen lyȝtlyche & [S folio 80b] to comune hure [verse 19] goodes; & to maken tresour & a good foundement her-after, þat þei take an eferlastynge lyf. [verse 20] Tymothe, kepe þat þing þat is y-put to þe, & schonye wykked nofeltees of speches & [verse 21] þe opposynges of þe fals name of connynge, whom þat sum|men [sūmē men, P.] han by-hote & han y-fallen [P folio 93] from þe feiþ. Þe grace of God be wiþ þe. Amen.
II. TIMOTHY.
[verse 1] And oþer epystel Poule wryteþ to Tymothe, & seiþ, Poule Iesu Cristes apostel by þe wyl of God, after þe byheste of lyf [verse 2] þat is in Iesu Crist, to Tymothe, my dereste sone: Grace, mercy, & pes of God þe Fadur & oure Lord Iesu Crist. [verse 3] And y þanke my God, to whom y serfe in a clene conscyence, þat ich hafe wiþ-outen cessynge mynde of þe in my preyeres [preyeres repeated in the margin, 1st corr. S.] , [verse 4] nyȝt & day desyrynge to sen þe, hafynge þoȝt on þy teres of [verse 5] wepynge, þat y be fulfulled wiþ ioye; byþinkynge on þe feiþ þat is in þe vnfeyned; þat dwelled [duelleþ P.] furst in þi graundam Loyde, & in þi moder Eurace: & ich am certayn þat it is in þe. [verse 6] For þe whuche enchesoun y warne þe þat þou arere up aȝeyn þe grace of God, þat is in þe by þe puttynge yn of myn honden. [verse 7] For God ne haþ noȝt y-ȝefen ous a spyryt of drede: bote of vertu & of lofe & of sobernesse. [verse 8] And þerfore ne be þou noȝt a-schamed of þe wytnesse of oure Lord Iesu Crist, ne of me þat am y-bounden: bote y trafayle neþeles to þe [verse 9] euangelye, þoroȝ þe vertu of hym þat haþ delyfred ous & haþ
