A fourteenth century English Biblical version, edited by Anna C. Paues ...

And [C ^m 3^m in the margin, S.] y-se ȝe, what charyte þe Fader haþ yȝeuen ous, þat we ben y-cleped Goddes sones, & ben Goddes sones. & þer|fore þe world ne knoweþ noȝt ous [an e in the margin, S.] , for he ne knewe noȝt hym. [verse 2] My dereste breþeren, now we beþ Goddes children, bote it is noȝt ȝet y-sene what we schuleþ ben. For we wyteþ wel, whan þat he appereþ we schuleþ be lyche to hym; for we schuleþ y-sen hym riȝt as he is. [verse 3] & euerych man þat haþ þis hope haleweþ hym-selfe, riȝt as he is holy. [verse 4] And euriche [an e in the margin, S.] man þat doþ synne & wikkednesse: he is boþe synne & wykkednesse. [verse 5] & ȝe wyteþ þat he appered to don a-wey synne; & in hym ne is no synne. [verse 6] & who þat dwelleþ in hym ne synneþ noȝt: & who þat synneþ [P folio 30b] ne knoweþ noȝt God, ne sey noȝt God. [verse 7] My smale chyldren, no man bygyle ȝow: [verse 8] who þat doþ riȝtfulnesse is riȝtful, as he is riȝtful [an e in the margin, S.] : & who þat

doþ synne he is of þe deuel; for from þe bygynnynge þe deuel synneþ. And in þis appered Godes Sone, to vndon þe werkes of þe deuel. [verse 9] And euerich man þat is y-boren of God ne [ne doþ no synne...y boren of God om. P.] doþ no synne, for þe seed of God dwelleþ in hym: & he ne may noȝt synne, for he is y-boren of God [ne doþ no synne...y boren of God om. P.] . [verse 10] And in þis beþ openlyche y-schewed boþe Goddes chyldren & þe deueles children: euerich man þat is noȝt riȝtful ne is noȝt of God, ne he þat loueþ noȝt his [is P.] broþer. [verse 11] For þis is þe tellynge þat ȝe habbeþ y-herd [S folio 26b] from þe bygynnynge, þat ȝe [we P.] louen to-gydere: noȝt as Caym þat was wykked & slouȝ his broþer. [verse 12] And herfore he slouȝ hym, for his werkes weren wykked, & his broþeres werkes weren goode. [verse 13] And [an e in the margin, S.] ne wondre ȝe noȝt þouȝ þe world hate ȝou. [verse 14] For we wyteþ þat we beþ y-translated from deþ to lyf, for þat we loueþ oure breþeren. Who þat loueþ noȝt he duelleþ in deþ. [verse 15] Euerich man þat hateþ his broþer he is a mansleer: & ȝe wyteþ þat euerich mansleer ne haþ noȝt an euerlastynge lyf dwellynge in hym. [verse 16] & in þis we habbeþ y-knowe þe charite of God, for he putte his soule for ous: & we oweþ to putten oure soules for oure breþeren. [verse 17] Who [an e in the margin, S.] þat haþ þe substaunce of þis world, & seþ his broþer haue nede: ȝef he closeþ [P folio 31] his in-wardnesse from his broþer, how dwelleþ þe charite of God in hym? [verse 18] My lytul chyldren, ne loue we noȝt in word, ne in tonge; bote in werk & in trewþe. [verse 19] In þis we [ȝe P.] knoweþ þat we beþ of [of of P.] trewþe, & in his syȝt we scheweþ [verse 20] oure hertes; for ȝef oure herte [herte repeated in the margin, 1st corrector, S.] vndernemeþ ous, God, þat is more þan oure herte, he knoweþ alle þinges. [verse 21] My dereste breþeren, ȝef oure [ȝoure P.] herte vndernymeþ ous not [not in the margin, 1st corrector's hand, S.] , we han a [verse 22] truste in God; and what-euere we axeþ of hym, we schuleþ vnderfongen of hym, for þat we kepeþ his hestes, & doþ þilke þinges þat beþ plesynge to-foren hym. [verse 23] & þis is þe comaunde|ment of God, þat we byleuen in þe name of his sone Iesu Crist, & þat we louen togydere, as he haþ y-ȝefen [S folio 27] ous a comaundement. [verse 24] & who þat kepeþ his comaundementys

dwelleþ in hym, & he in hym. & in þis we knoweþ þat he dwelleþ in ous, for þe spiryt þat he haþ y-ȝeuen ous.