A fourteenth century English Biblical version, edited by Anna C. Paues ...

And [Heading: Tyte in a modern hand on ff. 83^b and 84, S.] , suster, to an oþer of his dissiples þat hyȝte Tyte he [verse 5] wryteþ in þis wyse, For þis enchesoun y lafte [laue P. nota in the margin, S.] þe at Crete, for þou schuldest amenden þilke þinges þat lakkeþ, & þat þou [verse 6] schuldest ordeyne prestes by cytees, as ich ordeyned þe; and who þat is wiþ-outen blame, a man of on wyf, þat haþ feiþful children, noȝt in-to accusacyoun, ne soget to leccherye. [verse 7] For it byhofeþ þat a byschop be wiþ-outen blame, as despensatour of God; noȝt proud, ne wraþþeful, ne dronkelew, ne a smyter, [verse 8] ne coueytous of foul wynnynge; bote an ospyteler & benygne, [verse 9] sober, ryȝtful & holy, contynent; & cleppynge a feiþful & a trewe word þat is aftur good doctryne, þat he be myȝty to warne men in hol techynge, & vndernymen þilke þat aȝeyn|seyen. [verse 10] For þer beþ manye in-obedyent, veyn spekeres & [verse 11] gyloures, & most of þilke þat beþ of circumcysyoun, whom byhofeþ to ben vndernomyn; for þei turneþ up alle houses, techynge þat ne byhofeþ noȝt to ben y-tauȝt, for enchesoun of foul wynnynge. [verse 12] And on of [P folio 96b] hure owne prophetes [S folio 84] seyde, Men of Crete beþ efermore lyeres, lether bestes, of slow

wombe. & þis testymonye is soþ. [verse 13] & þerfore blame hem [verse 14] harde, þat þei ben hol in feiþ, noȝt takynge kepe to þe fables of Iewes, ne to mennes comaundementes þat turneþ hem a-wey from trewþe. [verse 15] And to clene men alle þinges beþ clene: bote to men þat beþ defouled & mysbylefed þer ne is no þing clene; for hure þoȝt and hure conscyence beþ defouled. [verse 16] & þei knowlecheþ þat þei knoweþ God; bote in hure dedys þei forsakeþ hym, for þei beþ abhomynabel, & vnbylefed, & [reprefabel] to eferich good werk.