A fourteenth century English Biblical version, edited by Anna C. Paues ...

[verse 1] Bote of þe tymes & of þe momentes, my breþeren, it nedeþ noȝt þat y wryte to ȝou. [verse 2] For ȝe wyteþ ȝou-selfe [P folio 69b] þat þe day of oure Lord schal come as a þef by nyȝte. [verse 3] For [e in the margin, S.] whanne me seiþ þat þer is pees & sekernesse, þanne schal þer come a sodayn deþ, as þe sorowȝ of a [om. P.] womman þat bereþ a chylde; bote þei ne schuleþ noȝt flen a-wey. [verse 4] Bote, breþeren, [verse 5] ȝe be noȝt in derknesse, þat þilke day take ȝow as a þef: for alle ȝe beþ chyldren of lyȝt, & Goddes chyldren, & ȝe beþ nouþer of nyȝt, ne of darknesse. [verse 6] And þerfore ne slepe we noȝt, as oþer men, bote wake [S folio 60b] we & be we sober. [verse 7] For þilke

þat slepeþ, þei slepeþ a-nyȝt; & þilke þat beþ dronken, beþ [verse 8] dronken a-nyȝt; bote we þat beþ of þe day, be we sober, and caste we up-on ous an haberioun of feiþ & of charyte, & an helm þat is hope of hele. [verse 9] For God ne haþ noȝt y-put ous in-to wraþþe, bote in-to getynge of hele þoroȝ oure Lord Iesu [verse 10] Crist, þat dyed for ous, þat, wheþer we waken oþer slepen, we lyfen to-gedere wiþ hym. [verse 11] Wherfore be ȝe y-coumforted to God, & eferich man edyfye oþer, as ȝe doþ. [verse 12] And, breþeren, we preyeþ ȝow þat ȝe know hem, þat trauayleþ a-mong ȝow, [verse 13] & beþ abofen ȝou in oure Lord, & warne ȝou, þat ȝe han hem more plenteuouslyche in charite for hure werk; & [e in the margin, S.] haue ȝe pees wiþ hem. [verse 14] And, breþeren, we preyeþ ȝow þat [P folio 70] ȝe a-menden vn-pesyble men, & comforteþ men of smal soule, & vnderfongeþ seke men, & be ȝe pacyent to alle men. [verse 15] & lokeþ þat no man ȝelde to oþer yfel for yfel; bote efermo swe þe þing þat is good, eferich man to oþer, & to alle men. [verse 16] & ioye [verse 17] , [verse 18] ȝe efermore; & preye ȝe wiþ-oute stuntynge; & in alle þinges do ȝe þankynges to God: for þis is Godes wille in Iesu Crist in [& P.] alle ous. [verse 19] , [verse 20] Ne quenche ȝe noȝt þe Spiryt; ne dyspyse ȝe [verse 21] noȝt prophecyes; prefeþ alle þinges, & holdeþ þat þing þat [þing þ ^t on erasure, S.] is good; & absteneþ ȝou from al yfel. [verse 22] , [verse 23] & he þat is God of pees halewe ȝou by alle þinges, þat ȝoure spiryt, ȝoure soule, & ȝoure body be y-kept hol wiþ-outen playnt in þe comynge of oure Lord Iesu Crist. [verse 24] & þe trewe God þat haþ y-cleped ȝou, he schal don hyt. [verse 25] Breþeren, preye [S folio 61] ȝe for ous.