A fourteenth century English Biblical version, edited by Anna C. Paues ...

GALATIANS.

[verse 2] And [ad Gal. in the margin, S.] to Galathes he wryteþ, & seyþ, Lo, y Poule seye to ȝow, þat ȝef ȝe beþ circumcyded, Crist profyteþ ȝow no þing. [verse 3] For y bere wytnesse eftsones to euerich man þat circumcydeþ hym-selfen, þat he [om. P.] is dettour to don al þe lawe. [verse 4] & ȝe beþ y-voyded a-wey from Crist, for ȝe þat beþ y-iustyfyed in þe lawe, ȝe beþ y-fallen a-wey from grace. [verse 5] For ȝe ne abydeþ noȝt þe hope of riȝtfulnesse þoroȝ þe spiryt of bylefe. [verse 6] & in Iesu Crist nouþer cyrcumsysyon [cyrcumsyoun P.] is ouȝt worþ, ne þe pre|pucye nouþer; bote feiþ þat worcheþ by charite. [verse 7] Ȝe ronne wel; who haþ y-lat ȝou nouþe, þat ȝe ne obeyscheþ ȝou noȝt to

þe trewþe? [verse 8] Ne assente ȝe to no man in þis, for þis per|suacyoun (or, euidence) [or euidence in the margin, 1st corr. S., or euydence precedes persuacyoun in P.] ne is noȝt of hym þat haþ y-cleped ȝow. [verse 9] A [P folio 55] lytel sourdouȝ schendeþ al-to-geder a gret pese. [verse 10] Bote y truste in ȝow in oure Lord, þat ȝe ne woleþ safere non oþer þing: bote he þat affrayeþ ȝou schal bere his dom, whyche-efer he be. [verse 11] And breþeren, ȝif y [ich P.] preche ȝit circum|sisyoun, wharto suffre ych ȝet persecucyoun? þanne is þe sclaundur of þe cros y-voyded awey. [verse 12] & wolde God he were y-kut awey þat affrayeþ ȝou þus. [verse 13] My breþeren, ȝe beþ y-cleped in-to fredom; & ne ȝefe ȝe noȝt ȝoure fredom in-to occasyoun of flesch, bote serfe ȝe to-gedere þoroȝ charite of spiryt. [verse 14] For [S folio 48] eferich lawe is fulfulled in on word, Þou schalt lofe þi [þei P.] nexte [expunged, S.] neyȝeboure as þi-selfe. [verse 15] & ȝef ȝe byteþ & gnaweþ to-gedere, byseþ ȝou lest ȝe ben y-wasted awey eferichone of oþer. [verse 16] & [Dominica xiiii post trinitatem in the margin in a XVI^th century hand, S.] y sey ȝou in Crist, Walke ȝe in Crist, & ȝe ne schuleþ noȝt fulfylle þe desyres of þe flesch. [verse 17] For þe flesch coueyteþ aȝeyn þe Spiryt, & þe Spiryt a-ȝeyn þe flesch; for þese beþ aduersaryes eferychone to oþer; þat ȝe do noȝt al þat ȝe wolleþ. [verse 18] & ȝif ȝe beþ y-lad þoroȝ þe Spiryt, ȝe beþ not vnder lawe. [verse 19] & þe workes of þi flesch beþ opene, þat [verse 20] beþ fornycacyoun, vnclennesse, in-contynence, seruyse of false goddes, wycche-craftes, enemytees, stryfynges, hatynges, [verse 21] wraþþes, chydynges, debates, sectes, enuyes [ennoyes P.] , manslauȝtes, dronkenesse, etynge out [P folio 55b] of mesure, & oþer þat beþ y-lyche þese, þe whuche y sey ȝow by-fore, as y haue y-seyd ȝow. For þilke þat doþ suche þinges ne schuleþ noȝt hafe þe kyngdom of hefene. [verse 22] Bote þe fruyt of þe Spiryt is charyte, ioye, pees, pacyence, longe abydynge, benyngnyte, goodnesse, [verse 23] mansuetude (þat is, myldene[sse]) [þat is myldene... in the margin, 1st corr. S. þat is myldenesse follows mansuetude, P.] , feiþ, softnesse, contynence, chastite; aȝeyn suche þer ne is no lawe. [verse 24] & þilke þat beþ of Crist hafeþ y-crucyfyed hure flesch wiþ vyces and wiþ coueytynges.

[verse 25] , [verse 26] And ȝif we lyfeþ in Spiryt, walke we in Spiryt. Ne be we noȝt y-mad coueytous of veyn glorye, taryynge eferychone

oþer, & hafynge enuye eferichone to oþer.

[verse 1] And breþeren, ȝef any man [S folio 48b] be y-ocupyed in any trespas, ȝe þat beþ spirytual, enformeþ such a man in þe spiryt of softnesse; byholdynge þi-selfe lest þat þou be y-temptyd. [verse 2] On of ȝow bere oþeres burþenes, & so ȝe schuleþ fulfullen Cristes lawe. [verse 3] For who þat weneþ þat he be any þing, whan þat he ne is noȝt, he bygyleþ hym-selfe. [verse 4] Bote eueryche man prefe his owne werk, & so he schal ioyen in an-oþer man, & noȝt in hym-selfen. For eferych man schal bere his owne burþene. [verse 5] , [verse 6] And he þat is y-tauȝt, comune he to hym þat techeþ in alle goode þinges. [verse 7] Ne erre ȝe noȝt, for [P folio 56] God ne wole noȝt ben y-scorned: for þilke þinges þat a man soweþ [þ^t a man soweþ repeated in the margin, 1st corr. S.] , þilke þinges he schal repen. [verse 8] For he þat soweþ in his flesch, of his flesch he schal repe corrupcyoun; bote he þat soweþ in his spiryt, of his spiryt he schal repe an eferlastynge lyf. [verse 9] And ne fayle we noȝt doynge þing þat is good. [verse 10] And þerfore whyle we haueþ tyme, do we good to alle men, bote most to þilke þat beþ homlyche to þe bylefe. [verse 11] & loke ȝe what manere letteres y wrot to ȝow [wiþ] myn owne hond. [verse 12] Alle þilke þat woleþ plesen in flesch, þei constreyneþ ȝow to ben circumcyded; onlyche for þei ne wolde noȝt suffre þe persecucyoun of Cristis cros. [verse 13] & nouþer þei þat circumcydeþ kepeþ þe lawe; bote þei wolden þat ȝe weren circumcyded, for þei wolden ioyen in ȝoure flesch. [verse 14] Bote God forbede þat y ioye bote in þe cros of oure Lord Iesu Crist [e in the margin, S.] , þoroȝ whom þe world is y-crucyfyed to me, & y to þe worlde. [verse 15] For in Iesu Crist nouþer circumsysyoun is [S folio 49] ouȝt worþ, ne þe prepucye nouþer, bote a newe creature. [verse 16] & whyche|efer þat han y-folewed þis reule, pees & mercy be on hem & up-on þe [om. P.] Israel of God. [verse 17] Aftur þis tyme no man be greuous to me: for y bere þe markes of þe woundes of Iesu Crist.