A fourteenth century English Biblical version, edited by Anna C. Paues ...

[verse 1] And [No heading in the MSS.] , breþeren, helpynge ȝow we bysecheþ þat ȝe ne [verse 2] resceyfeþ noȝt þe grace of God in veyn; for he haþ y-sayd, In an acceptabel tyme y haue y-herd [y om. P.] þe, & in þe day of hele y haue y-holpe [y om. P.] þe; and lo, now is an acceptabel tyme, and a day of hele. [verse 3] & ȝefe ȝe non offencyoun to no man, þat ȝoure [verse 4] seruyse ne be not y-blamed; bote in alle þinges ȝefe we ous|seluen as Goddes serfauntes, in myche pacyence, in tribu|lacyones, [verse 5] in nedyschepe, in angwysch, in woundynges, in prisonynges, in bytrayynges, in wakynges [P folio 54] , in trauayles, in [verse 6] fastynges, in chastyte, in kunnynge, in longe abydynge, in [verse 7] softnesse, in þe Holy Gost, in charite [S folio 47] noȝt y-feyned, in word of trewþe, in þe uertu of God; þorouȝ þe armer of riȝtfulnesse [verse 8] on þe riȝtsyde & on þe lyftsyde, þoroȝ worschupe & vnnobel|nesse, þoroȝ diffamynge & good loos; as gylores, bote as men

[verse 9] þat beþ trewe; & þouȝ ȝe ben y-knowe, ȝet be ȝe as þilke þat beþ vnknowe; as þilke þat dyeþ, & lo, we lyfeþ; as þilke þat [verse 10] beþ y-chasted, & nouȝt y-slawe; as þilke þat beþ drery, bote efermore ioyenge; as þilke þat beþ nedy, bote makyng many men ryche; as þilke þat hafeþ noȝt, bote oweþ alle þinges. [verse 11] Oure mouþ is opned to ȝow, ȝe Corynthes, oure herte is y-drawen a-brood. [verse 12] Ne be ȝe noȝt y-angwysched in ous, bote be ȝe y-angwysched in ȝoure owne in-wardnesse. [verse 13] & hafynge þe same remuneracyoun, as to my chyldren y seye, Be ȝe y-drawen abrood. [verse 14] Ne lede ȝe no ȝok wiþ mysbylefed men: for what a-cord is þer bytwene riȝtfulnesse [an e in the margin, S.] & wykkednesse? oþer what felowschupe bytwene lyȝt & derknesse? [verse 15] Oþer what a-cord by-twene Crist & þe defel? oþer what party haþ a welbyleued man wiþ a mysbyleued man? [verse 16] Oþer what assent bytwene þe temple of God & wiþ mawmetes? For ȝe beþ þe temple of lyfynge God [P folio 54b] ; as God seiþ hym-selfen, Y wole dwellen in hem, & y [om. P.] wole wonen a-mong hem; & y wole ben hure God, & þei schuleþ be my pepel. [verse 17] Wherfore God seyþ, Goo ȝe a-wey from þe myddel of hem, & be ȝe departyd from [S folio 47b] hem, & ne touche ȝe non vnclene þing; and y [verse 18] wole resceyue ȝou, & y [om. P.] wole be ȝoure Fadur, & ȝe schulen be my sones & my douȝteren. Sustur, in þis manere seynt Poule wryteþ to þe Corynthes.