ȝe habbeþ an-oyntynge of þe Holy Spiryt, & knoweþ alle þinges. [verse 21] Y ne haue noȝt y-wryte to ȝou as to hem þat knoweþ noȝt þe trewþe, bote as to hem þat knoweþ þe trewþe, & for þat eueryche lesyng ne is noȝt of trewþe. [verse 22] Who is a lyer, bote he þat seiþ þat Iesu ne is noȝt Crist? He is Antecrist, þat denyeþ boþe þe Fader & þe Sone. [verse 23] For who þat denyeþ þe Sone, he ne [ne expunged, S.] haþ noȝt þe Fader; & who þat knowlecheþ þe Sone, he haþ þe Fader. [verse 24] & leteþ þat dwelle stille in ȝow þat ȝe habbeþ y-herd from þe bygynnynge, ȝe schulen dwelle boþe in þe [om. P.] Sone & in þe Fader. [verse 25] & þis is þe byheste þat he haþ byhoten ȝow, þat [& þat P.] he wol ȝeuen ȝow an eferlastynge lyf. [verse 26] Þese þinges ich haue [P folio 30] y-wryte to ȝow, of þilke þat bygyleþ [byleueþ P. nota in the margin, S.] ȝow. [verse 27] & þilke anoyntynge þat ȝe han vnderfongen of hym dwelle stylle in ȝow, & ȝe ne haueþ no nede þat any man teche ȝow; bote riȝt as þe anoyntynge of hym techeþ ȝou in alle þinges, & it is trewe, & no lesynge, & riȝt so as ich haue y-tauȝt ȝow, dwelle ȝe in hym. [verse 28] And now, my smale children, dwelle ȝe in hym; þat, whan he appereþ, we han a trust, & þat we ne [ne dotted out in black ink, S.] ben noȝt y-schend of hym in [S folio 26] his comynge. [verse 29] & as ȝe wyteþ þat he is ryȝtful, so wyte ȝe wel þat he þat doþ riȝtfulnesse is y-boren of hym.
And [C m 3m in the margin, S.] y-se ȝe, what charyte þe Fader haþ yȝeuen ous, þat we ben y-cleped Goddes sones, & ben Goddes sones. & þer|fore þe world ne knoweþ noȝt ous [an e in the margin, S.] , for he ne knewe noȝt hym. [verse 2] My dereste breþeren, now we beþ Goddes children, bote it is noȝt ȝet y-sene what we schuleþ ben. For we wyteþ wel, whan þat he appereþ we schuleþ be lyche to hym; for we schuleþ y-sen hym riȝt as he is. [verse 3] & euerych man þat haþ þis hope haleweþ hym-selfe, riȝt as he is holy. [verse 4] And euriche [an e in the margin, S.] man þat doþ synne & wikkednesse: he is boþe synne & wykkednesse. [verse 5] & ȝe wyteþ þat he appered to don a-wey synne; & in hym ne is no synne. [verse 6] & who þat dwelleþ in hym ne synneþ noȝt: & who þat synneþ [P folio 30b] ne knoweþ noȝt God, ne sey noȝt God. [verse 7] My smale chyldren, no man bygyle ȝow: [verse 8] who þat doþ riȝtfulnesse is riȝtful, as he is riȝtful [an e in the margin, S.] : & who þat
