lif withouten end. ¶ That is, .i. sall shew me lord & myghty abouen all thynge. and .i. sall say apertly, .i. lif withouten end. it is as an athe to fulfil this.
60. Si acuero vt fulgur gladium meum: & arripuerint iudicium manus mee. ¶ If .i. had sharpid as leuynynge my swerd; and my hand had takyn dome. ¶ That is. when .i. hafe redid my swerd of punyssynge as leuenynge. sudanly cumand and makand men rad, and my myght bigyn to shew the laste dome.
61. Reddam vlcionem hostibus meis: & hijs qui oderunt me retribuam. ¶ I sall ȝelde vengaunce till myn enmys: and till thaim that hatid me .i. sall ȝelde. ¶ I sall ȝelde vengaunce of endles pyne till my fas. that is, till all that was contrarious till me. despisand my comaundmentis. and till thaim that hatid me. puttand me out of thaire hertis thorgh luf of other thynge, .i. sall ȝelde wonnynge in hell. and than.
62. Inebriabo sagittas meas sanguine: & gladius meus deuorabit carnes. ¶ [Text from L, to the end.] I shal drunkyn myn aroes in blode: & my swerde shal deuoure fleyschis. ¶ Myn aroes, that is, my sharp manaunsis, i shal drunkyn, that is, fulfille in blode. that is, in dethe of dampnyd men. and my swerd. that is, my veniance schal gredely ete all that lyfyd fleschly. and so dyed. and i shal drunkyn my aroes.
63. De cruore occisorum: & de captiuitate nudati inimi|corum capitis. ¶ Of the blode of slayne: and of kaytifte of the nakyd hed of enemys. ¶ Verrayle slayne er thei that are ded fro the ioy of [UII, B 953, 288, 877. L that.] god withoutyn end: & of kaytifte in hell. of the nakyd heuyd. fro all [L ins. the. S. N om.] solace of heuen or of erth. of enemys dampnyd. Nakyd heuyd he seys at the lyknyng of takyn prysuns [S prisones. M prisouns. N presouns. B 953 presouns. UII prisoneres. B 877 prisonurys. 288 prisoners.] in con|queryng, the whilk was wont to be shauyn the heuyd, & so solde.
64. Laudate gentes populum eius: quia sanguinem ser|uorum suorum vlciscetur. ¶ Louys ȝe genge the folke of him: for the blode of his seruauntis he shal venge. ¶ Ȝe genge synful, if ȝe wol not folow his folk in vertues & godenes. at the lest holds all worthi louyng that lufis him. & angirs thaim not in worde ne in dede. for if ȝe do, he wol venge it.
