fra the lufers of this warld. and in his seruaunts he sall seme merci|ful. in all othere rightwis.
53. Videbit quod infirmata sit manus & clausi quoque defecerunt: residuique consumpti sunt. ¶ He sall se that hand be made seke, and the klosyd faylid; and the left ere dis|troyid. ¶ He sall se. that is, he sall make tobe sene. that all that ill men dos is noght suffyssaunt till thaire saluacioun. and the klosid in pouste of the deuyl. faylid for pynys. and all the other left and forsakyn of god is distroyd in endles ded.
54. Et dicent, vbi sunt dij eorum: in quibus habebant fiduciam. ¶ And thai sall say whare ere thaire goddis: in the whilke thai had trayst. ¶ Tha that sall se thaire pyne sall say. whare is all thaire vanytes and lustys, the whilke thai lufid mare than god. and sett thaire trayst and thaire ioy in thaim.
55. De quorum victimis comedebant adipes: & bibebant vinum libaminum. ¶ Of the offrandis of whaim thai ete grese; and thai drank wyne of offryngis. ¶ That is. of that thynge that was offird til thaire vnclennes. thai had delite in grete haboundaunce. and swa thai ware drunkyn in lust & likynge of erth. forgetand ihū crist. this wrechidnes is that ȝe hafe lufyid mare than god.
56. Surgant & opitulentur vobis: & in necessitate vos protegant. ¶ Ryse thai and help ȝow; and in nede hil ȝow. ¶ It is hethynge that he says. as whasay. ȝoure goddis that ȝe hafe haldyn in honur. ryse and cum to helpe ȝou if thai may. and sen thai may do ȝow noght bot skath.
57. Videte quod ego sum solus: & non sit alius deus preter me. ¶ Ses that .i. am anly; and that other god be noght than .i. ¶ That is, .i. am anly god. and all thynge that ȝe lufyd has desayfyd ȝou. for.
58. Ego occidam & ego viuere faciam, percuciam & ego sanabo: & non est qui de manu mea possit eruere. ¶ I sall sla and .i. sall make to lif, .i. sal smyte and .i. sal hele: and nane is that may delyuer of my hend. ¶ That is, .i. am auctor of life and ded. and .i. sall symte thaim that .i. luf. chastiand as fadire dos sun. and .i. sall make thaim hale perfitly, eftire this life. and nane is that may delyuer him self or other. of my hand. for all creatures ere in my myght. and till me fallys the demynge of all.
59. Leuabo ad celum manum meam: & dicam viuo ego ineternum. ¶ I sall lift til heuen my hand; and .i. sall say .i.
