all thaire welth; all is away. and now .i. sall swa fordo thaim that thaire mynd be neuyre amange rightwismen.
40. Sed propter iram inimicorum distuli: ne forte super|birent hostes eorum. ¶ Bot for the yre of enmys .i. delayid; leswhen thaire enmys prydid.
41. Et dicerent manus nostra excelsa: & non dominus fecit hec omnia. ¶ And thai sayd oure hand is heghe; and noght god did all there thyngis. ¶ God will noght als tyte as men has synnyd do vengaunce. bot he delayis it by certayn tyme. that tha till whaim thai hafe done harme wax noght proude. and say, for oure meryt, and for thai ware contrarious til vs. god distroyis thaim. and swa thai say that god did noght all. for thaim thynk that thaire meryt helpid.
42. Gens absque consilio est & sine prudencia: vtinam saperent & intelligerent, ac nouissima prouiderent. ¶ Genge withouten counsaȳl it is and withouten quayntis; god gif thai had sauoure and vndirstode and puruayd thaire laste. ¶ The genge of all vnrightwismen. is withouten counsaile of hele of saule. and withouten quauyntis to fle syn. bot god gif thai had any sauoure of godis luf. and vndirstode the will of ihū crist. todo it. and puruayd thaire laste. that thai myght dye sikyrly. and bihald withouten drede that sal bifall at the last end.
43. Quomodo persequebatur vnus mille: & duo fugarent decem milia. ¶ How ane pursuyd a thousand; and twa chasyd ten thousand. ¶ How this myght be he shewis and says.
44. Nonne ideo quia deus suus vendidit eos: & dominus conclusit illos. ¶ Whether noght tharfor forthaire god salde thaim; and thaire lord thaim loukid. ¶ Aswhasay. [U Aswhasa. S As who say.] forthi thai ere ouyrcumyn for god aliend thaim fra him. for thaire syn. and loukyd thaim in the myght of thaire enmys.
45. Non enim est deus noster vt dij eorum: & inimici nostri sunt iudices. ¶ fforwhi oure god is noght as the goddis of tha; and oure enmys ere domys men. ¶ Oure god is noght as thaire goddis. for thai hafe delite in wickidnes. and oure god lefys na syn vnpunyst. and oure enmys ere domys men. that is, thai may bere witnes of that thynge. that oure god dampnys & punyss ill dedis. for oft sythe he smytis thaim in this warld.
46. De vinea sodomorum vinea eorum: & de suburbanis
