deuyl. sal lede me syngand til his louynge in psalmys. that is, in goed werkis and in gastly deuocioun. abouen my heghe. that is, abouen all bodyly thynge. that semys heghe til men. he sall lede me in til contemplacioun of god.
CANTICUM MOYSI. (DEUT. xxxij.)
AUDITE celi que loquar: audiat terra verba oris mei. ¶ Heuens here that .i. sall speke; the erth here the wordis of my mouth. ¶ That is, ȝe men that has ȝoure conuersacioun in heuen. and ȝe that ere in actif life. vndirstandis that .i. sall say. for it fallis for ȝoure hele. aswhasay, berys witnes. that .i. hald noght still the wickidnes of my folke.
2. Concrescat in pluuia doctrina mea: fluat vt ros elo|quium meum. ¶ Mi [S. U Thi.] lare grow in rayne; as dew ren my word. ¶ That is, that my lare make the herers of it to bere gastly froyte. multiplyd be it in rayne of heuen. and my worde ren in mennys hertis, as dew of grace, that may kole thaim fra hete of vicys.
3. Quasi ymber super herbam, & quasi stille super gra|mina: quia nomen domini inuocabo. ¶ As rayne on herbe. and as droppis on burionyngis: for the name of lord .i. sall inkall. ¶ My lare be till ȝow as rayn on gress. that it make to be grene in ȝou. the burioyns of vertus. and worthi is it that .i. be herd. for .i. sall inkall god in til my hert lufand. noght anly honur him with my lippis, as riche men dos. forthi.
4. Date magnificenciam deo nostro: quia dei perfecta sunt opera, & omnes vie eius iudicia. ¶ Gifis worship till oure god: for of god ere perfit werkis. and the wayes of him domys. ¶ That is, all that he dos he dos with dome. whethere he take vs. or he forsake vs.
5. Deus fidelis & absque vlla iniquitate, iustus & rectus: peccauerunt ei, & non filij eius in sordibus. ¶ God trew and withouten any wickidnes. rightwis and right: thai synnyd til him. and noght his sunnys in filthis. ¶ God is trew in his hetynge. and he noyes til na man. rightwis in ȝeldynge. and right in vengynge. first synnyd til him oure form fadirs. and sithyn ill sunnys in filth of syn.
