sayand when sall thou comfort me. ¶ My gastly eghen faylid for grete couaytis and brennand ȝernynge to see thi face, sayand when sall thou comfort me. in that syght. aswhasay. me langis thidire: .i. suffire lange dwellynge here. the voice of there eghen. is ȝernynge and prayere.
83. Quia factus sum sicut vter in pruina: iustificaciones tuas non sum oblitus. ¶ ffor .i. am made as gourde in ryme froste; thi rightwisyngis .i. noght forgat. ¶ This gourde [S. U groude.] is a dedly body. ryme frost. benefice of heuen. aswhasay, comfort me. for thorgh frost of chastite. that is, of thi grace .i. restreynd bodily het. and brennynge of fleyssly couaytis. and swa .i. forget noght the werkis of rightwisnes. for ill couaytis fayls. and charite brennys.
84. Quot sunt dies serui tui: quando facies de perse|quentibus me iudicium. ¶ How many ere the dayes of thi seruaunt; when sall thou do dome of pursuand me. ¶ That is, when sall vengaunce be of the deuyll and his mynystirs, the whilke temptis and pynys thi seruauntis.
85. Narrauerunt michi inique fabulaciones: sed non vt lex tua. ¶ Thai tald til me wickidly fabilyngis; bot noght as thi laghe. ¶ There fabilyngis ere vnnayte speche and ianglyngis, that fallis noght till haly purpos: the whilke vmwhile delytis to be herd. bot na froyt is in thaim. forthi thai ere noght til me delitabile. as thi laghe: for thai ere vanyte. and.
86. Omnia mandata veritas: iniqui persecuti sunt me, adiuua me. ¶ All thi comandmentis sothfastnes; wickid pur|suyd me, helpe me. ¶ Sothfastnes delitys [U delity. S delites.] me. noght wordis. and tharfore wickid men fandis to noy me. with falshede. bot thou helpe me. that .i. stand in sothfastnes.
87. Paulominus consummauerunt me in terra: ego autem non dereliqui mandata tua. ¶ Nerehand thai endid me in erth; bot .i. forsoke noght thi comandmentis. ¶ He says nerhand. for grete temptacioun is agayns the frelte of mannys fleyss. for nane is sa perfite man in erth. that he ne has outher fallyn. or bene in poynte to fall.
88. Secundum misericordiam tuam viuifica me: & cus|todiam testimonia oris tui. ¶ Eftire thi mercy qwickyn me: and .i. sall kepe the witnessyngis of thi mouth. ¶ Quykyn me that .i. luf noght swa this life. that .i. lose the life of heuen.
