not ouerpasse: ne thei shal be turnyd to hill the erthe. ¶ God has sett end of all illes, that ill man non may ouerpasse. so that no stabil man thar drede that they ouer cum ageyn to hill him. with anguys. as thei did.
11. Qui emittis fontes in conuallibus: inter medium mon|cium pertransibunt aque. ¶ Thou that sendis wellis in samyn dales: itwix the myddes of hilles; passe shal watirs. ¶ That is, he sendis welles of grace in thaim that are meke in body and soule: and watirs of lore shal passe. that is, shal renne in comyn [S comon.] of heghe prechours: and of thes watirs,
12. Potabunt omnes bestie agri: expectabunt onagri in siti sua. ¶ Shal drynke all bestis of the felde: abyde schal onagirs in thair thirst. ¶ Bestis of the felde are synful men turnyd til ihū crist. onagirs are wilde assis. that are proude iwes, that wol not now drinke of the holesum [S holsom. L holesumnes.] watirs of cristen men. bot abides til the last end of this worlde.
13. Super ea volucres celi habitabunt: de medio petra|rum dabunt voces. ¶ On tho; fowles of heuen schal wonne: fro the myddes of stones thei schal gif voyces. ¶ On tho wellis that i. seyde gostly men shal wonne. that ioyes in the brigthed of godes luf. and gyfes voices of gode lore. fro the myddes of stones, that is, of the auctorites of holy men.
14. Rigans montes de superioribus suis: de fructu ope|rum tuorum saciabitur terra. ¶ Wetand hilles of his ouyrere: of the frute of his werkes. filde schal be the erthe. ¶ That is, god wetis apostils and contemplatif men of his heghest priuetes. for of his frute that he dos in all gode men are his lufers fulfilde.
15. Producens fenum iumentis: & herbam seruituti hominum. ¶ fforth bringand hay til bestis: and herbe til the seruys of men. ¶ The erth bringes forth vile lust til bestis. that is, til bestly men, that lifes in fleschly delite. ande herbe, that is, bodely sustinance, til men that lifes rightwysly, as men shuld do.
16. Vt educas panem de terra: & vinum letificet cor hominis. ¶ That thou lede out brede of the erth: and wyne glade the hert of man. ¶ Brede of goddis worde is brouȝt out of [L repeats of.] the prechour. and wyne, that is, the hote drynk of cristis luf, gladis our hert and rauyschis [L ins. our. S &c. om.] it fro 'erth til heuen' [L heuen til erth.] .
