abouen the snawe. that is .i. sall be whittere then any erthly thynge that man may see [The comment on this verse is much shorter in S.] .
9. Auditui meo dabis gaudium & leticiam: & exultabunt ossa humiliata. ¶ Til my herynge thou sall gif ioy and faynes; and glade sall banes mekid. ¶ Til my herynge with men thou sall gif ioy of remyssion, sayand, thi syn is forgifen the. and faynes of endles life. that .i. hope. and glade sall banes. that is, all the vertus of my saule mekid. for thai ere withouten pride.
10. Auerte faciem tuam a peccatis meis: & omnes iniqui|tates meas dele. ¶ Turn away thi face fra my synnes: and all my wickidnessis do away. ¶ That is, forget my synnes, that thou see thaim namare til punysynge, and my wickidnes do away fra thi knawynge.
11. Cor mundum crea in me deus: & spiritum rectum innoua in visceribus meis. ¶ Clene hert wirke in me god; & right gast new in my bowels. ¶ Make clene that was filed in pride and lust of this life. and right gast, that was krokid til the erthe, new it in my bowels, whethen lichery come.
12. Ne proijcias me a facie tua: & spiritum sanctum ne auferas a me. ¶ Kast me not fere fra thi face; and thi haly|gast refe not fra me. ¶ That is, make me that .i. twyn not fra thi mercy, whethen light and hele comes til me: and the grace of the haly gast dwell ay with me.
13. Redde michi leticiam salutaris tui: & spiritu princi|pali confirma me. ¶ ȝelde me the ioy of thi hele; and with the [S thi.] principall gast conferme me. ¶ ȝelde me, that is, gif me agayne the ioy of thi hele. that is. of ihū. that .i. lost synnand. and conferme me in thi luf thurgh the haly gast.
14. Docebo iniquos vias tuas: & impii ad te conuerten|tur. ¶ I sall lere the wickid thi wayes; and synful sall be turnyd til the. ¶ He that gret [S grete is be fore, now &c.] , now is he doctur. as whasay, conferme me, and confermed .i. sall not be vnkynde. bot .i. sall lere with goed ensaumpile and worde wickid men thi wayes, that is, mercy & soth|fastnes: and swa synful men sall be turnyd til the. and that .i. may swa do,
15. Libera me de sanguinibus deus deus salutis mee: & exultabit lingua mea iusticiam tuam. ¶ Delyuer me of
