god. bot that dos nane bot he that forgetis all the warld, ȝa and him selfe. and anly ioyes in god.
12. Et meditabor in omnibus operibus tuis: & in adin|uencionibus tuis exercebor. ¶ And .i. sall thynke in all thi werkis: and in thi fyndyngis .i. sall be oysid. ¶ This he thynkis til godis louynge. that when he bihaldis what god has done for him in erth. he may hafe certayn hope to cum till heuen. and in thi fyndyngis, that is, in thi comaundmentis, thurgh the whilke thou ert funden til all that kepis thaim, .i. sall be oysid til my ded.
13. Deus in sancto via tua, quis deus magnus sicut deus noster: tu es deus qui facis mirabilia. ¶ God in haligh thi way, whilke is god gret. as oure god: thou ert god that [S. U thou.] dos wondirs. ¶ God, in crist, haligh of halighis, is thi way. bi the whilke we may cum til the. thou ert god, and nane other, that dos wondirs. for wha sa dos any wondirs thurgh the, thou dos thaim. noght he.
14. Notam fecisti in populis virtutem tuam: redemisti in brachio tuo populum tuum, filios iacob & ioseph. ¶ Knawyn thou made in folke thi sothfastnes: thou boght in thin arme thi folke, sunnes of iacob and of ioseph. ¶ That is, thou made ihū crist knawn til cristen men. thou boght [S. U boghe.] in thin arme. that is, in thi sun, with his blode. thi folke. whilke; sunnes of iacob. that is, the folouers of thaim that puttis out all vices & settis vertus. and of ioseph. that is, folouers of contemplatif men, that ere ay waxand in godis luf.
15. Viderunt te aque deus, viderunt te aque & timu|erunt: & turbate sunt abissi. ¶ Watirs sagh the god. watirs sagh the and thai dred: druuyd ere depnessis. ¶ That is, folke knew the god thurgh throuth. and vndirstode that thou sall cum to deme all [S evel.] men. and swa thai dred the pyne of hell. & depnessis, that is, ill men in the ground of malice, ere druuyd. that is, stird til penaunce.
16. Multitudo sonitus aquarum: vocem dederunt nubes. ¶ The mykilnes of the sown of watirs; voice gaf the cloudis. ¶ That is [S. U om.] , many men that first sownyd, gaynsaiand til goed lare, sithen ware broght till sothfastnes. when cloudis, that is, haly men, that wetis dry hertis with godis worde. and tempirs the hete of the sune. that is, the wreth of ihū crist. that synful men be noght sa sone slane as thai ere worthi. gafe voice of haly lare.