The Psalter, or Psalms of David and certain canticles / with a translation and exposition in English by Richard Rolle of Hampole ; ed. from manuscripts by the Rev. H. R. Bramley ... With an introduction and glossary.

LAUDATE dominum de celis: laudate eum in excelsis. ¶ Louys the lord ȝe of heuen; louys him ȝe in hegh. ¶ Here the prophet, in menynge of [S ins. 'a.'] fa thyngis, he amonestis all creaturs to loue god. for all thyngis louys him in thaim self. or in other that has wisdom to loue god. as we til thaim that wirkis wele ere glade of thaire goed dede. and says. dos on. dos on. swa the prophet, ioyand in aungels louand god, says, ȝe aungels that ere of heuen, louys ȝoure lord. he amonestis thaim noght to loue, bot it payes

him wele that thai do. and liftand vp the hert he is with thaim in hope. and ȝe that ere in the heghest ordirs louys god. aswhasay. do as ȝe do. for ȝe do the best. sithyn til whaim he makis his ioiynge. he expounys. and says.