[PSALM CXXV.]
IN conuertendo dominus captiuitatem syon: facti sumus sicut consolati. ¶ In turnand oure lord the caytifte of syon; made we ere as comfortid. ¶ That is, when oure lord turnys away caytifte [U caytife.] fra his folke, we hafe ioy as men that ere comfortid in hope, of we be noght ȝitt sikire.
2. Tunc repletum est gaudio os nostrum: & lingua nostra in exultacione. ¶ Than fild is oure mouth of ioy: and oure tunge of gladnes. ¶ Than, in that turnynge, the mouth of oure hert is fild of the ioy of redempcioun. and oure tunge is fild of gladnes in louynge of god.
3. Tunc dicent inter gentes: magnificauit dominus facere cum eis. ¶ Than thai sall say amange genge; the lord wor|shipfully wroght with thaim. ¶ This is when of all the warldis men rennys til halykirke. and sees the vertus thar of.
4. Magnificauit dominus facere nobiscum: facti sumus letantes. ¶ Lord worshipid to do with vs; made we ere ioyand.