3. Deus in domibus eius cognoscetur: cum suscipiet eam. ¶ God in howsis of it sall be knawyn: when he sall vptake it. ¶ The howsis of halykirke ere sere ordirs or sere degres of meritis. in tha he sall be knawyn in blisse: for in ilke distinccion [S distinccioun. U distruccion.] he sall shew the knawynge of him. as thai hafe lufid here. and that, when he sall vptake it til heuen.
4. Quoniam ecce reges terre congregati sunt: conuene|runt in vnum. ¶ ffor lo kyngis of erth ere gadird: thai samen come in ane. ¶ The kyngis of erth, with other cristen men, ere gadird in anhede of trouth. thai samen come in ane, that is, in charite, that makis ane in god.
5. Ipsi videntes sic admirati sunt, conturbati sunt, com|moti sunt: tremor apprehendit eos. ¶ Thai seand swa wondird ere. druuyd thai ere; stird thai ere, quakynge toke thaim. ¶ Thai seand, that is, vndirstandand swa mykil the ioy of heuen that god hight til his lufers, wondird ware, that thai had lifid swa lange in blyndhede of saule. druuyd thai ere for thaire syn in penaunce, and stird til gode. quakynge for foly and ill consciens toke thaim: for swa mykel was thaire dreide in hert that thai quoke in body.
6. Ibi dolores vt parturientis: in spiritu vehementi con|teres naues tharsis. ¶ Thare sorows as of trauailand: in a gret gast thou sall altobreke the shippes of tharse. ¶ In that druuyinge ware sorowis of penaunce as [S. U is.] of a wommane that trauails. that is, thai ere ful grefeous, bot thai ere profitabil. for froite of endles ioy comes of thaim: in a gret gaste, that is, thurgh the haligast. thou sall altobreke the shippes of tharse. that is, the renners in sere lustis and synnes of this warld. forto spy how thai may cum til the ioy of erth. there brekis god vmwhile, to gare thaim seke verray ioy. and if tha will not leue, he brekis thaim and kastis thaim till hell fire in his wreth.
7. Sicut audiuimus sic vidimus in ciuitate domini virtu|tum, in ciuitate dei nostri: deus fundauit eam in eternum. ¶ As we herd swa we saghe in cite of lord of vertus, in cite of oure god: god foundid it withouten end. ¶ As we herd in prophitis swa we saghe fulfild in haly kyrke, that is cite of oure god. he foundid it to last withouten end.
8. Suscepimus deus miserecordiam tuam: in medio
