tha woundis, that he myght see that thou lufid him: for elles had he not ben.
15. Et tabescere fecisti sicut araneam animam eius: verumptamen vane conturbatur omnis homo. ¶ And to languys thou did [S made.] as aran saule of him; noght forthi vaynly druuyd is ilk man. ¶ That is, thou did [S made.] his lif to languys and be [U he. S to be.] seke thurgh meknes. all pride done doun as aran. than the whilke na thynge is febilere: for it failes at a litel touchynge of a fyngire. This is a goed languysynge. as a stalworth pride is [S. U om.] ill. noght|forthi thof a man be thus mekid and chastid. ȝit ilk man lifand in vncertayn of riches vaynly is druuyd: that is, thurgh febilnes of man he is drawen and confusid in sere thyngis. fra this vanyte and druuyinge is na man fre. bot he that with clene thoght festis his gastly eghe in ihū crist.
16. Exaudi oracionem meam domine, & deprecacionem meam: auribus percipe lacrimas meas. ¶ Here my prayere lord and my bed: with eren persayue my teris. ¶ All erthly thyngis ere vayn: bot .i. nowthere ask thaim. na .i. haf sarynes fore thaim: forthi here my prayere, that is, the ȝernynge of my hert in thi luf: and my bede, that .i. offire til the in psalmes and ympnes. with eren persayfe my teris: that is, my langynge to see the, and sorow that .i. haf of mennys syn.
17. Ne sileas quoniam aduena ego sum apud te & pere|grinus: sicut omnes patres mei. ¶ Still noght, for cum|lynge .i. am anence the and pilgrym: as all my fadirs. ¶ Still not, that is, make that .i. here the. for thou spekis priuely in hert of thi lufere. for thi say til my saule .i. am thi hele, thi synnes ere for|gifen the. for .i. am cumlynge: that is. na duellynge stede haf .i. here. bot ay .i. am passand til the. and pilgrym, fra my cite of heuen: bot .i. thynke ay thidere: anens the. for now .i. am with the in hope. some ere pilgryms with the deuel: all that ere in dedly syn. and til him thai ga. bot .i. am pilgrime as all my faders, that ere passid til thare heritage of heuen.
18. Remitte michi vt refrigerer priusquam abeam: & amplius non ero. ¶ fforgif til me, that .i. ware kolid, are than .i. ga: & mare .i. sall not be. ¶ And for me bihoues passe and cum til thi dome. that .i. be sikere. forgif til me all synnes: that .i. ware kolid in thi mercy fra hete of vices and temptaciouns, are than
