REsun him asked also [Quod autem honores respuerit, in eodem libro testatur, ubi ratio eum interrogat dicens: Quid honores? et respondet Augustinus: Fateor eos modo ac paene his diebus cupere destiti.]
In þe same bok þerto:
Line 1760
Wheþer he tok ouht to gret kepe
To eny worldly worschepe.
Þer he onswereþ godliche
And seiþ: "I knowleche outurliche
I haue hem laft for euermo,
Line 1765
Whil niht and day mai come and go".
LVst also and dilytinge [Voluptates quoque et de|licias (Grässe: divitias) contemsit et quantum ad concubitum et quantum ad gustum. Quantum ad primum, interrogat eum ratio dicens in eodem libro: Quid uxor? nonne te delectat pulchra, pudica, morigerata, dives, praesertim si certus sis nihil ex ea te molestiae esse passurum?]
Of fleschlich likyng or tastinge
He forsok, as þe same bok telleþ vs,
And seiþ and telleþ riht þus:
Line 1770
Resun him askeþ of a wyf:
Wher he hedde lykynge in þat lyf,
Ȝif þat heo weore feir and clene,
Feir-manered, wiþouten wene,
And ȝif þat he wuste sikerliche
Line 1775
Þat heo weore wondur riche,
Nomeliche ȝif he wuste sikerliche his ese,
Þat he schulde soffre no disese.
Austin onswereþ anon riht: [et respondet Augustinus: Quantumlibet velis eam depingere atque cumulare bonis omnibus, nil mihi tam fugiendum quam concubitum esse decrevi. Cui ratio: Non ego quaero quid decreveris, sed utrum ad hoc alliceris? et respondet Augustinus: Prorsus nihil in hujusmodi quaero, nihil desidero, etiam cum onere, horrore et aspernatione talia recordor.]
"Þauh þou hire peynted neuer so briht
Line 1780
And rikene as muche goodnesse
As þou const, boþe more and lesse,
I haue icast ouer alle þing
To fleo flescliche doyng".
Qwaþ Resun þenne: "I aske þe nouht
Line 1785
What to do þou hast cast in þi þouht,
But wheþer wiþ loue oþur wiþ awe
Þyn herte þerto weore ouht idrawe?"
Austin onswerde wiþouten ire:
"In such þing haue I non disyre;
Line 1790
And ȝif hit falle out to my mynde,
Hit is wiþ horrour a(n)d dispisynge".
REsun him asked: of his dilyt [Quantum ad secundum, in|terrogat eum ratio dicens: Quid de cibis? et respondet Augustinus: Sive de cibo et potu sive de balneis caeteraque corporis voluptate nihil interroges; tantum ab ea peto quantum in valetudinis spem conferri potest.]
In mete and drinke hou stod hit.
And he onswerde wiþouten scaþe:
Line 1795
"Of mete, drinke ne of baþe
Nouþur of oþur bodiliche lustus
Aske me nouȝt, as þhouh þou nustes;
I ne aske no more, my lyf to lede,
But onliche on such þinges þat me doþ nede".
Line 1800
God ȝiue ou grace wiþ herte glade
To preye for him þat þis lyf made.
AMEN.
