He seyth and crystes swete sone
For drede of the strong dome;
Line 140
Owtȝt xulld commy[n] þe devyll of helle,
As Symon be-gan to telle,
And cryn, "lord! thow vs borowe
Outȝe of owre peyn and outȝ of owre sowrowe,
Line 144
Thow hytyst vs to heuyn cumme, [folio 25a]
Woll longe thow haste vs for-gonne.
þ[rough] [The MS. has a contraction, þor, which is unintelligible.] wykydnesse of owre mysse-dede,
We haue loste thy felow-rede;
Line 148
Synne we haue suffyrd woll long,
Woll byttyr balys and woll strong,
Grawte vs, lord, thy felow-rede,
We wyll amend owre mysse-dede."
Line 152
Thys ys þe day of strong sowrow,
A wyll strenger cumme to-mowrow.
xj.
Th'elente day comyth wondyr lyth,
With strong stormys and mych flyth;
Line 156
Thow tokenys schallyn thow se
That euer and euer schall be;
The reynbowe xall on-wryed be
Gostlyche þat we mown se,
Line 160
That [the develyn] schall woll ȝarne
For grete drede to helle ronne,
Ther byn peynys hot and colde;
Judas ther-in deyed he wolde,
Line 164
God seyd ther-yn ȝyt he xull be,
We woll noutȝ ȝyt hym se,
Ther yn he xall wonyn and dwell,
And all that euer he mown qwell.
Line 168
God loue vs to be-tyde,
That byn be the bettyr syde.
xij.
The Twelte day ys drede-full than,
Ther wos neuer no falsse mane
Line 172
