Goo, make thy sacryfece with ȝon Rame.
Line 328
Now, for-wyll [For-wyll, farewell.] blyssyd Abraham,
For on-to heuyn I goo now hom,
The wey ys full gayn.
Take vp thy son soo free.
Line 332
[Exit Angel.
Abraham.
A! lord, I thanke the of thy gret grace,
Now am I yeyed [Yeyed, joyed, rejoiced.] on dyuers wysse,
A-rysse vp, ysaac, my dere sunne a-rysse,
Arysse vp, swete chyld, and cum to me.
Line 336
Ysaac.
A! mercy, fader, wy smygth ȝe not ȝyt?
A! smygth on, fader, onys with ȝowre knyffe.
Abraham.
Pesse, my swet sir! and take no thowt,
For owre lord of heuyn hath grant þi lyffe
Line 340
Be hys angell now,
That þou schalt not dey þis dey, sunne, truly.
Ysaac. [folio 20b]
A! fader, full glad than wer I,
I-wys! fader, I sey, i-wys!
Line 344
Yf thys tale wer trew.
Abraham.
An hundyrd tymys, my son fayer of hew,
For joy þi mowt now wyll I kys.
Ysaac.
A! my dere fader, Abraham,
Line 348
Wyll not god be wroth þat we do thus?
