In to the lond of Vsyon thow goo,
And offer thy chyld on-to thy lord;
Line 64
I schall the lede and schow all soo;
Vnto goddes hest Abraham a-cord,
And folow me vp on thys grene. [Perhaps grene should be hond, to rhyme with stond in line 69.]
Abraham.
Wolle-com to me be my lordes sond,
Line 68
And hys hest I wyll not with-stond:
ȝyt ysaac, my ȝowng sonne in lond,
A full dere chyld to me haue byn.
I had lever, [Lever, comparative of lief, dear; I had lever, it were dearer to me, I had rather.] yf god had be plesyd.
Line 72
For to a for-bore all þe good þat I haue,
Than ysaac my sone schuld a be desessyd,
So god in heuyn my sowll mot saue!
I lovyd neuer thyng soo mych in erthe, [Pronounce erde, cf. lines 220, 222.]
Line 76
And now I mvst the chyld goo kyll.
A! lord god, my conseons ys stronly steryd,
And ȝyt my dere lord I am sore a-ferd,
To groche ony thyng a-ȝens ȝowre wyll.
Line 80
I love my chyld as my lyffe,
But ȝyt I love my god myche more,
For thow my hart woold make ony stryffe,
ȝyt wyll I not spare for chyld nor wyffe,
Line 84
But don after my lordes lore.
Thow I love my sonne neuer so wyll,
ȝyt smythe of hys hed sone I schall.
