A Common-place book of the fifteenth century, containing a religious play and poetry, legal forms and local accounts. Printed from the original ms. at Brome Hall, Suffolk, by Lady Caroline Kerrison. Edited with notes by Lucy Toulmin Smith.

4 (b). All men presont and for to cum be a [folio 70b] knowyn, þat I, Lawrens of W., hath ȝowyn and grantyd and be my presont charter hath confermyd, to John of Foxtune, and to þe eyres of hys bodi be-gotyn, j dowhows with þe curtlyge lyenge-to, as yt ys in-closyd with hedgys and dechys, in þe Town of W., and with hys pertynens; þe wych dowhows lyth be-twyne þe lond of W. of B. on þe on parte, and þe lond of John of W. on þe tothere parte, and on hed abuttyt vpon þe lond of wylliam Coleyn toward þe este, and a-nothere hed abuttyt vpon þe lond of Thomas Waryn toward þe weste: To haue and to hold þe forseyd dowhows with þe curlyche lyenge-to and hys pertynens, of me and myn eyres to þe forsed John and to þe eyres of hys bodie begotyn, frely, quiette, wyll, and in pesse, ȝeldynge þer-of ȝerly to me and to myn eyres jd. ate þe feste of seynt Botholl, and to doo to þe schyffe lordes of þat fee all servyes þer-of dew and custon. And yf yt happyd þat þe forseyd John dessesse with-owt eyrys [folio 71a] of hys body be-gotyn, I woll þat þe forseyd dowfhows with þe curtlege lyeng to and hys pertinences remayne to John hys broder of Foxton; To haue and to

holde þe forseyd dowhows, with þe corlege lyeng-to and with hys pertynences, of me and my eyrys to þe forseyd John and to þe eyrys of hys body be-gotyn, ȝeldyng þer|of ȝerly to me and to my eyrys j rosse at þe Natyvite of seynth John þe Baptysyd. And to make of þe chyffe lordes of þe fee all seruyce as þe forseyd John hath donne. And yf yt happyd þat þe forseyd John dyssesce with [out] eyrys of hys body be-gotyn, I woll þat ye forseyd dow|howsse with þe cortlege lyyng-to as yt ys in-closyd with hedges & deges and hys pertynences remayne to Water of Loke, to hys eyrys and to hys assyneys, with owtyn end; To haue and to hold þe forseyd dowhows with þe corlage lyenge-to and with hys pertynences, of þe chyffe lordes of þe fee be þe seruys þerof dew and custum. And I þe forseyd Lawrons and myn eyrys þe forseyd dowhows with þe corlage lyyng-to and with hys pertynences, to þe forseyd John and John, and to þe eyrys of ther bodyes begotyn. And to þe forseyd Water to hys eyrys and to hys asseyneys, in forme a-bothe [I.e. above.] notyd a-ȝens all men [warrant for ever], &c.