Item for ij quarturs of barly, the price of a quartur is ijs. viijd. . . . Summa | vs. iiijd. |
Summa payed for whete, mescly[n], and barly xxxvs.
And so is owyng me iiijd.
AGREEMENT AND QUITTANCE [Between Roger Page of Scole and Robert Melton of Stuston, 31st May, 1504, for the delivery of 36 coombs of barley to the latter.] [A.D. 1504].
[folio 59b] Be it knowen be thes present bill yt I, Roger Page of Skoles in the Counteȝ of Norffolk, haue sold onto Robert Melton, of Stuston in ye Counteȝ of Suffolk, upon ye last day of May in ye xix yere of ye reigne of kyng Harry ye vijth, xxxvj combes of barly of Chapmannys mett and Chapmannys ward, to be delyuered be ye bushell of ye seyd Robert so his bushell passyth not Harleston mett, and to be delyuered befor the fest of ye natiuite of Cryste next commyng after ye date of this presenttes; xx combes yer of to be deleuered at my plase at Skoles aforseyd, and xvj combes to be delyuered with in a myle of the dwellyng plase of the seyd Robert: and I ye seyd Roger Page knowlage me fully content and paid for the seid fyve ["Fyve" is evidently a mistake for six, thirty-six being the number twice mentioned above.] and thretty combes barly the day of makyng of thes presentes, sealed with my seale. Yowyn the last daie of May in the xix yere of the reigne of kyng Herry the vijth, and if I the seid Roger or myne assignoris make defawte in the deleueraunce of ye [fo. 60] seyd fyve and thretty combes barly befor the fest of Cristmes next commyng, than I the seid Roger Page bynde me myn heyres and executors to forfette and paie to the seid Robert Melton and his assignoris iiijli. of lawful money of Ynglond.