And hardy, & of honur,
He kepte bestes y [in.] þe pastour,
Line 472
Swylk on was þys ilke Parys,
A duk hardi, & a knyght wys; [hardy knyght & wys.]
He kepte bestes in þe feld
As a knyght armed wiþ scheld.
Line 476
Als Parys [as þis Paris.] sat at his hole,
Out fro Grece þer cam a bole;
To Paris bestes was his draught,
And wiþ Parys bole he faught.
Line 480
Exe pugnum inter Taurum Troie & Taurum Grecie. [Lambeth folio 2a:2]
¶ Ilkon oþer gan faste assaille,
& Parys biheld þeir bataille;
Þey foughte so longe, [þai faught so long.] hit was a wonder,
Bot at þe laste þey ȝede a sonder.
Line 484
An oþer day he com ageyn,
& foughte to-gydere, þys boles tweyn;
So foughte þei mani daies longe,
ffelenous [felons.] batailles & fol stronge.
Line 488
Paris seide, "Now schal y se
" Whilk is worthi to haue þe gre,
" & whilk of hem maistri schal haue,
" To coroune hym y vouche hit saue." [vouchsaue.]
Line 492
¶ A day þei foughte fol felonlike,
& stalworly [stalworþely.] to-gyder gon stryke;
So longe þey foughte, þat atte [long þai faught at þe.] laste
Þe bole of Troye doun was caste.
Line 496
