But þey sawe hym sone vp a-geyn;
Þey wyþstod þen, & were fayn.
When he was vp, he hadde no rest,
. Wyþ ffrolle to fighte he was ful prest,
Line 10,884
He leyde his hand to Caliborne,
Þat neuere for armes wolde scurne.
Þer-wyþ on ffrolle ful sore he sought,
& ffrolle a-geyn ne dredde hym nought;
Line 10,888
Agayn Arthur he stod & stynt,
Nought abaischt hym for [abaist for him.] no dynt;
His swerd had drawen, he lyft hit heye,
On Arþur he let hit sore fleye:
Line 10,892
Þe dynt was gret, for he was strong,
Þe fir out fley, þe sparkles sprong,
Þe helm he claf, & þe basyn,
& þe coyfe þat was so fyn.
Line 10,896
Þe swerd was scharp, & ful wel bot,
In þe forehed Arþur he smot,
Þorow þe flesche, vnto þe pan;
After þe strok þe blod out ran.
Line 10,900
¶ De occisione ffrolly, Regentis ffrancie.
When Arthur felde [felte.] þat he was wounded,
Noþyng he ne [Noiþer he.] stinte ne stounded;
ffor, ful of yre, wyþ colour teint,
Was he neyþer abaischt ne feint;
Line 10,904
Caliborne he hadde in hande,
He tok hym byre þe strok teysande; [bir þe stroke teisand.] [Petyt folio 64b:2]
Abouen [Aboun.] his helm ful faste he dref;
Hed & nekke & breste he clef. [to þe girdill þe body clefe.]
Line 10,908
Þey of þe cite mad deol ynow,
& þe Bretons þer-fore þey low;
