Pryuely com doun in to þe playn,
& fond hem slepyng, [slepand.] als he sayd;
Vnarmed, ilkon were þey leyd.
Line 9244
¶ Occisio Paganorum.
When þe Bretons were spred aboute
In þer host, wyþynne [MS. wyþynne & wyþynne.] & wyþoute,
Þen was slaughtere wyþoute pite;
Was non for merci ȝolden fre;
Line 9248
Þorow wombe & breste þe speres bot,
Hedes, handes, fet, of smot.
To arme þeym þey nadde no space,
Ne to fle had þey no grace;
Line 9252
ȝyf any fledde þat fle myght,
Þe merknesse saued [hem] þat nyght. [ll. 9253-9254. The Petyt MS. leaves out these lines; but they are in Wace, ii. 17, l. 8761-2.]
Octa & Ebessa [cosa.] o lyue þey tok,
At Londone in prison he dide þem lok.
Line 9256
¶ When þis Payens were desconfit,
Toward þe norþ þey went ful tyt;
Northumberland, Scotland, þorow þey rod,
Als hit was fer, [boþ] long & brod.
Line 9260
Þo þat myghte no men [non myght ore. (La gent qui estoit sans justice, Wace, ii. 17, l. 8773.)] iustise,
Al he drow til his seruise;
Ouer al he sette swylk pees, [Lambeth folio 40b:1]
Bettere neuere no man ches.
Line 9264
When he was kyng kyd & couþ,
He tok his gate toward þe souþ;
At Londone his Pasches he held,
Wyþ erl & baron, & knyght of scheld;
Line 9268
Byschopes, abbotes, he dide somoune,
& riche burgeyses, & oþer in [of.] [Petyt folio 55b:1] toune;
